સૌ પ્રથમ કોબીજ ને છીણી લો. હવે છીણેલી કોબી માં થોડું મીઠું ઉમેરીને થોડીવાર માટે રહેવા દો. ચીઝ છીણી લો અને મરચાં ઝીણાં કાપી લો.

હવે કોબીમાંથી પાણી નિતારી લો અને એમાં ચીઝ અને મરચા ઉમેરી મિક્સ કરો.

હવે એમાં લીલું લસણ, કોથમીર, મરી ઉમેરો અને બધું બરાબર મિક્સ કરીને સ્ટફિંગ તૈયાર કરો.

હવે પરોઠાનો લોટ બાંધવા માટે ઘઉંના લોટમાં મીઠું અને તેલ ઉમેરીને મસળી લો પછી એમાં જરૂર પ્રમાણે પાણી ઉમેરી ને રોટલી જેવો લોટ બાંધી લો. લોટને ઢાંકીને પાંચથી દસ મિનિટ માટે રહેવા દો. હવે લોટમાંથી લૂઓ લઇને મોટી રોટલી વણી લો.

પછી રોટલી ની એક સાઈડ પર બનાવેલું સ્ટફિંગ લગાવી દો અને બીજી સાઈડ ને ઉપર દબાવી દો અને કાંટા ચમચી ની મદદ થી કીનારી ને દબાવી દો.

હવે તમે ગરમ કરીને પરોઠાને બંને બાજુ તેલ લગાવીને શેકી લો.

પરોઠા શેકાઈ જાય પછી એને વચ્ચેથી કટ કરીને ટોમેટો કેચપ અને બટર સાથે સર્વ કરો કોબીજ ના પરાઠા બહુ જ ટેસ્ટી લાગે છે એકવાર જરૂરથી ટ્રાય કરજો.