મિક્સ કઠોળ ને ૭ થી ૮ કલાક પાણીમાં પલાળવા પછી અને બાફી લેવા, પછી બધા શાકભાજી બરાબર ધોઈને તેને સમારી લેવા.

હવે કુકરમાં આગળ પડતુ તેલ મૂકી સૌપ્રથમ જીરુ, તમાલપત્ર, આખું લાલ મરચું, એક ફૂલ ચક્ર, તજ નો ટુકડો, બે-ત્રણ મરી અને લવિંગ, આદું-મરચાં લસણ ની પેસ્ટ ઉમેરવી. એ સંતાઇ જાય પછી એમાં ડુંગળી પછી ટામેટા ઉમેરીને બરાબર ચડવા દેવું.

ગ્રેવી બરાબર થઈ જાય અને તેલ છૂટું પડે એટલે અમે બધા મસાલા કરી (હળદર, મરચું, ધાણાજીરૂ, ગરમ મસાલો) બધા શાકભાજી ઉમેરવા.

પછી એમાં મીઠું અને આશરે એક લીટર જેટલું પાણી ઉમેરી બરાબર મિક્સ કરો. પછી કુકર નું ઢાંકણું બંધ કરી ચારથી પાંચ સીટી થવા દેવી અને છેલ્લા ફરી એકવાર તેલ ગરમ કરી તેમાં કશ્મીરી લાલ મરચું ઉમેરી વઘાર કરવો. લીલા લસણ અને કોથમીરથી ગાર્નિશ કરવું.

હવે ચાપડી બનાવવા માટે એક વાસણ ઘઉંનો કરકરો જીનો લોટ અને રવો લેવું એમાં બે ચમચી તેલ જીરુ વલીયારી ઉમેરી કઠણ લોટ બાંધવો, પછી એની ચાપડી બનાવી ઘીમાં તળી લેવી (મેં તેલમાં તળી છે) પણ ઘીમાં એનો સ્વાદ વધારે સારો લાગે છે

આ રીતે ચાપડી તૈયાર કરવી આ રીતે કુકરમાં સહેલાઇથી તાવો ચાપડી તૈયાર થઈ જાય છે અને ખાવામાં ખૂબ જ સ્વાદિષ્ટ લાગે છે.