સૌ પ્રથમ લીલી ડુંગળી, મેથી, કોથમીર લો. તેને બારીક સમારી લો. આદુ મરચાં લસણની પેસ્ટ બનાવી લો. હવે એક વાસણમાં ચણાનો લોટ લો. તેમા સમારેલી કોથમીર, સમારેલી મેથી, સમારેલી લીલી ડુંગળી ઉમેરો.

મિક્સ કરો. હવે તેમાં મીઠું, મરચું, હળદર, અજમો, મરી પાઉડર ઉમેરો. બરાબર મિક્સ કરી જરૂર મુજબ પાણી ઉમેરી ખીરૂ તૈયાર કરી લો.

ખીરૂ બહુ પાતળું નહી બહુ જાડું ના રાખવુ. થોડું જાડું રાખવું. હવે લોખંડ કે નોનસ્ટિક તવી ગેસ પર મૂકી ગરમ કરો. થોડી ગરમ થાય એટલે તેમાં થોડુ તેલ મૂકો. હવે તેમાં ખીરૂ પાથરો. થોડું જાડું પાથરવું. બંને બાજુ તેલ લગાવી લો.

એક બાજુ શેકાઈ જાય એટલે તેને પલટાવી બન્ને બાજુ બદામી રંગના થાય ત્યાં સુધી શેકી લો. ચીલા શેકાઈ જાય એટલે તેને ડીશ માં લઇ લીલી ચટણી અને કેચપ સાથે પીરસો. તો તૈયાર છે બેસન ચીલા.