સૌ પ્રથમ કુકરમાં એક પ્લેટ અથવા કાંઠલો મુકી પ્રિ હીટ થવા મુકી દેવું.કુકરના ઢાંકણની રીંગ તથા વ્હીસલ કાઢી લેવા. મીકસર જારમાં સુજી તથા ખાંડ નાખી બારીક પીસી લેવા.ત્યારબાદ તેમાં ઓલિવ ઓઈલ એડ કરો.

હવે એ જ જારમાં દહીં, દૂધ, ચોકો પાઉડર નાખી દો.

મીકસરમાં એકદમ સ્મૂધ,ફલોઈંગ કન્સીસ્ટન્સી વાળું બેટર તૈયાર કરો.જો બેટર વધુ ઘટ્ટ લાગે તો જરુરિયાત પ્રમાણે દૂધ એડ કરવું.હવે તેમાં ઈનો તથા તેની ઉપર દૂધના ૨-૩ ડ્રોપ્સ નાખી એક જ ડાયરેકશનમાં મીક્સ કરો.

કેક ટીનમાં તેલ તથા બટર પેપર લગાવી તેમાં બેટર નાખી ટેપ કરવું.અને પ્રિ હીટ થવા મુકેલ કુકરમાં મૂકીને કુકરનું ઢાંકણ બંધ કરો.

૩૦ મિનિટ બાદ ટુથપીકની મદદથી ચેક કરો.સરસ કેક તૈયાર થઈ હશે. ૧૦થી ૧૫ મિનિટ બાદ બીલકુલ ઠંડું પડે એટલે તેને અનમોલ્ડ કરવી.

હવે ચોકો સ્પ્રેડ માં એક ટેબલ સ્પૂન મેલ્ટેડ વ્હાઈટ ચોકલેટ મીક્સ કરો.કેક ઉપર સ્મૂધલી સ્પ્રેડ કરો.તેની ઉપર બાળકો ને ગમે એવું કલરફૂલ ડેકોરેશન કરો.મેં સીલ્વર ટાઈની બોલ્સ તથા કલરફૂલ સ્ટાર સ્ટીક કર્યા છે.