સૌપ્રથમ આ રીતે બધી સામગ્રી તૈયાર કરી લેવી અને બધું સમારી લેવું. ડુંગળી ટામેટાં ઝીણા સમારવા ની જરૂર નથી કારણ કે આપણે તેને મિક્સરમાં ગ્રેવી માટે પીસવાના છે.

પછી એક પેનમાં એક ચમચી ઘી મૂકી ઘી ગરમ થાય એટલે કાજૂ નાંખી અને કાજુ ગોલ્ડન બ્રાઉન થાય ત્યાં સુધી શેકી લેવા.

કાજુ શેકાઈ જાય એટલે ઠંડા કરવા રાખી દેવા. પછી તેજ પેનમાં ડુંગળી, ટામેટા, આદુ, મરચા લસણ, એક લાલ સૂકું મરચું અને ૩ થી ૪ કાજૂ બધું એક પેનમાં ઘી મૂકી અને સરસથી સાંતળી લેવું. આ બધું સતડાય જાય અને ઠંડું પડે પછી મિક્સરમાં પીસીને ગ્રેવી બનાવી લેવી. કાજૂને ગ્રેવીમાં ઉમેરવાથી ગ્રેવી નો કલર અને ફ્લેવર કરીમા સરસ આવે છે. ગ્રેવી પીસવા ટાઈમે પાણી ઉમેરવાનું નથી.

હવે પાછું તે જ પેનમાં ચારથી પાંચ ચમચી ઘી મૂકી ઘી ગરમ થાય એટલે તજ લવિંગ અને જીરૂ નાખીને વઘાર કરવો.

પછી તેમાં પીસેલી ગ્રેવી ઉમેરવી અને પછી બધા મસાલા ઉમેરવા. બધા મસાલા સરસ થી ચડી જાય અને તેલ છૂટું પડે ત્યાં સુધી મીડીયમ તાપે ગ્રેવી કૂક થવા દેવી.

પછી ગ્રેવી કૂક થઈ જાય ત્યારબાદ મિક્સરમાં પણ થોડું પાણી નાખી તેને હલાવીને એ પાણી નાખી દેવું (ગ્રેવી પીસેલું) પછી જરૂર મુજબ પાણી નાખવું. કાજુ કરી ની ગ્રેવી ઘટ્ટ હોય છે એટલે જોઈતું પાણી નાખવું.

પછી તેના બે ચમચી ફ્રેશ ક્રીમ અથવા ઘરની મલાઈ ઉમેરવી. ફ્રેશ ક્રીમ ઉમેર્યા પછી ગ્રેવી નો કલર આવો થઈ જશે. પછી પાંચ મિનિટ સુધી ઢાંકીને બધું ચડી જવા દેવું. થોડું ફ્રેશ ક્રીમ ગાર્નિશ માટે રાખી દેવું.

ત્યારબાદ તેમાં શેકેલા કાજુ ઉમેરવા અને કસુરી મેથી ઉમેરવી. પછી બે મિનીટ પછી ગેસ બંધ કરી દેવો.

હવે આપણી કાજુ કરી તૈયાર છે. તેને ગાર્નિશ કરવા માટે એક ચમચી જેટલું ફ્રેશ ક્રીમ ને થોડું ફેટી અને પછી કાજુ કરી માં સ્પ્રેડ કરવું. પછી ચારથી પાંચ કાજુ મૂકીને આ રીતે ડેકોરેશન કરવું અને વચ્ચે કોથમીર મૂકી દેવી.

હવે તૈયાર છે આપણી સ્વાદિષ્ટ કાજુ કરી તેને તમે નાન અથવા પરાઠા, પાપડ અને છાશ સાથે સર્વ કરી શકો.