ટોરટીયા બનાવવા માટે એક વાસણમાં મેંદો, મકાઈનો લોટ, તેલ મીઠું લઈને બધું બરાબર મિક્ષ કરવું. પછી ગરમ પાણીથી નરમ લોટ બાંધી લેવો. લોટ ને હાથ વડે સરસ થી મસળી લેવો અને પછી એક કલાક સુધી રેસ્ટ કરવા મૂકી દેવો.

પછી બાંધેલા લોટમાંથી એક સરખા લુવા બનાવી અને પાતળી સરખી રોટલી બનાવી લેવી અને પછી આ રોટલીને તવા ઉપર બંને બાજુ બટર લગાવી હલકા ગુલાબી રંગ ની કાચી-પાકી શેકી લેવી. આ રીતે બધા ટોરટિયા તૈયાર કરી અને કિચન નેપકીન માં લપેટીને રાખી મૂકવા જેથી સોફ્ટ રહેશે.

રિફાઈડ બીન્સ માટે રાજમાને આખી રાત પલાળી રાખવા અને પછી મીઠું નાખીને બાફી લેવા.

પછી એક પેનમાં તેલ અને બટર ગરમ કરી લસણની પેસ્ટ અને ડુંગળી નાખીને સાંતળી લેવું. બે મિનિટ પછી તેમાં મરચું, જીરું, મરી પાઉડર, મિક્સ હર્બ, ટોમટો સોસ બધું નાખીને બરાબર મિક્સ કરી લેવું અને પાંચથી દસ મિનિટ ચડી જવા દેવું.

ટોમેટો સાલસા બનાવવા માટે ટામેટા અને કેપ્સીકમ ને ગેસ પર અથવા વાયર રેક પર કાળી સ્કીન થઈ જાય ત્યાં સુધી શેકી લેવા અને પછી ટામેટાની સ્કીન ઉતારી લેવી.

પછી ટામેટા અને કેપ્સીકમ ને ચીલી કટર વડે અથવા ચપ્પુની મદદથી એકદમ ઝીણા સમારી લેવા.

ત્યારબાદ એક બાઉલમાં ઝીણા સમારેલા ટામેટા અને કેપ્સીકમ, ઝીણી સમારેલી ડુંગળી, મરી પાઉડર, ટોમેટો સોસ, કોથમીર, લીલું મરચું, મીઠું અને વિનેગર અને બરાબર મિક્ષ કરી લેવું. હવે ટોમેટો સાલસા તૈયાર છે.

સાવર ક્રીમ બનાવવા માટે એક બાઉલમાં હંગ કર્ડ, ફ્રેશ મલાઈ,‌મરી,મીઠું અને લીંબુનો રસ નાંખી એકદમ બરાબર હલાવી લેવું. સાવર ક્રીમ તૈયાર છે.

બિન બરીટો 🌯 બનાવવા માટે એક ટોરટિયા લઈ તેમાં પહેલા રિફાઇન્ડ બીન્સ મુકવા. પછી તેના ઉપર સાલસા અને ઝીણી સમારેલી ડુંગળી મૂકવી.

પછી તેમાં સાવર ક્રીમ, લાંબી સમારેલી કોબીજ અને કેપ્સીકમ મુકવા. પછી ચીઝ સ્પ્રેડ કરી અને રોલ બનાવી લેવો. પછી તે રોલને તવા ઉપર બટર મૂકી અને બંને બાજુથી શેકી લેવો.

હવે તૈયાર છે બિન બરીટો. તેને ટોમેટો સાલસા અને સાવર ક્રીમ સાથે સર્વ કરી શકાય.