કેરીને ધોઇને સારી રીતે લુછીને છીણી લેવી. તેમાં કેરી ની જાત પ્રમાણે ખાંડ નાખવી.

(રાજાપુરી કેરી હોય તો એક કિલો કેરી માં એક કિલો ખાંડ અને દેશી કેરી હોય તો એક કિલો કેરી માં સવા કિલો ખાંડ લેવી)

કેરીના છીણમાં મીઠું નાખી એક દિવસ રાખી તેમાંથી પાણી નીતારી લેવું.

ત્યારબાદ તેમાં ખાંડ ઉમેરી બરાબર મિક્સ કરી ઉપર કપડું બાંધી તડકામાં મૂકવું.

છ-સાત દિવસ તડકામાં મૂકવું જેથી ખાંડની ચાસણી થઈ જશે

વચ્ચે રોજ તેને હલાવતા રહેવું

ખાંડની ચાસણી જેવું લાગે એટલે આપણો છૂંદો તૈયાર થઈ ગયો કહેવાય.

ત્યાર પછી તેમાં તજ-લવિંગ, અને લાલ મરચું નાખી બધું જ બરાબર મિક્સ કરવું.

ઠંડુ પડે એટલે તેને એર ટાઈટ બરણીમાં ભરો. આને બારેમાસ ખાવામાં ઊપયોગમાં લઇ શકાય છે