સૂકા લાલ મરચાં ને ગરમ પાણીમાં અડધો કલાક માટે પલાળી રાખવા. ત્યારબાદ તેને ઝીણા ટુકડા માં કાપી લેવા. ટામેટાને ચોપર માં અથવા તો ચોપિંગ બોર્ડ પર એકદમ બારીક સમારી લેવા.

એક પેનમાં તેલ ગરમ થાય એટલે તેમાં બધા આખા મસાલા ઉમેરીને ઝીણા સમારેલા કાંદા અને લસણ ની પેસ્ટ ઉમેરવા. કાંદાને હલકા ગુલાબી રંગના થાય ત્યાં સુધી સાંતળવા અને ત્યારબાદ તેમાં ઝીણા સમારેલા ટામેટા અને મીઠું ઉમેરવું.

હવે તેમાં લાલ મરચાં ઉમેરીને મધ્યમ તાપ પર ઢાંકી ને 10 મિનીટ સુધી પકાવવું. ત્યારબાદ તેમાં કાશ્મીરી મરચું અને ખાંડ ઉમેરીને બધું બરાબર હલાવી લેવું અને મીડીયમ તાપ પર પકાવવું. વચ્ચે-વચ્ચે હલાવતા રહેવું.

મીડીયમ થી ધીમા તાપ પર 15 થી 20 મિનિટ સુધી અથવા તો જ્યાં સુધી ટામેટા નું મિશ્રણ થોડું જાડું થઈ જાય ત્યાં સુધી પકાવવું અને ત્યારબાદ ગેસ બંધ કરી દેવો. એ વાત ધ્યાનમાં રાખવી જરૂરી છે કે ઠંડું પડતાં આ મિશ્રણ વધારે જાડું બની જાય છે. રૂમ ટેમ્પરેચર પર ઠંડુ કરીને એર ટાઈટ કન્ટેનરમાં અથવા તો કાચની બરણી માં ભરી લેવું.