સૌપ્રથમ એક પેનમાં તેલ નાખો. તેલ ગરમ થઇ જાય એટલે ડુંગળી અને લસણનો વઘાર કરવો. તેને સાંતળવા, ડુંગળી ગુલાબી રંગની થાય એટલે તેમાં ટામેટાં ઉમેરો.

ટામેટાં થોડા ચડી જાય અને ડુંગળી ટામેટાં એકરસ થાય એટલે તેમાં કેપ્સીકમ નાખો. બે-ત્રણ મિનિટ સાંતળી પછી તેમાં બધા મસાલા જેવા કે મીઠું, લાલ મરચું પાઉડર, પાવભાજી નો મસાલો ઉમેરો. હવે તેને બે ત્રણ મિનિટ માટે ગેસ પર ચડવા દો.

મસાલા ચડી જાય એટલે બધું જ સ્મેશર થી મેશ કરી નાખો. હવે તેમાં લીંબુનો રસ ઉમેરો. કોથમીર નાખો અને મિક્સ કરી દો. ઢાંકણ ઢાંકી તેલ છૂટું પડે ત્યાં સુધી મસાલો એકરસ થવા દો.

હવે પાવ ને વચ્ચેથી કટ કરી લો તવો ગરમ કરવા મૂકો.ગરમ થાય એટલે તેના પર બટર લગાવી ગેસ ધીમો કરી તેમાં 1/2 ચમચી જેટલો પાવભાજી મસાલો અને થોડું લાલ મરચું પાઉડર નાખી પાવ બંને બાજુથી તેમાં શેકી લેવા.

પાઉં શેકાઈ જાય એટલે તેને તવા પર જ રાખી તૈયાર કરેલો મસાલો પાઉંની વચ્ચે ભરી દો. હવે પાઉંની ઉપરની બાજુ બારીક સમારેલી ડુંગળી અને કોથમીર છાંટવા. બટર લગાવી પાઉં શેકી લેવું. તો તૈયાર છે સ્વાદિષ્ટ મસાલા પાઉં.