સૌ પ્રથમ ગેસ ચાલુ કરી એક પેનમાં પાણી ઉકાળો તેમાં મીઠું અને તેલ નાખીને પાસ્તા ને ઉકાળો. પાસ્તા બફાઈ જાય એટલે ગેસ બંધ કરી લો. પાસ્તા ને ગરણી માં નાખીને પાણી કાઢી લો. અને ઢાંકી દો.

સૌ પ્રથમ ગેસ ચાલુ કરીને એક પેનમાં બટર લો તેમાં મેંદો અને કોર્ન ફ્લોર બરાબર શેકી લો. થોડું ગુલાબી રંગનું થવા દો.

હવે તેમાં દૂધ ઉમેરો. તેને પાંચ મિનિટ સુધી હલાવતા રહો. ધીરે ધીરે તે ઘટ્ટ થવા લાગશે.એટલે ગેસ બંધ કરી લો અને સ્વાદ અનુસાર મીઠું ઉમેરો. મિક્સ કરો

હવે તેમાં બાફેલા પાસ્તા, બાફેલા મકાઈ દાણા, મિક્સ હર્બસ, ઓરેગાનો, મરીનો પાઉડર ઉમેરો થોડું ચીઝ ખમણીને પણ ઉમેરવું. ચીઝી ટેક્સચર આવે. મીક્સ કરી લો.

તૈયાર છે વ્હાઇટ સોસ પાસ્તા