સૌ પ્રથમ ટામેટાં, ડૂંગળી અને લસણ ને સમારી લો. પછી એક વાસણમાં લઈ તેમાં ઉપર જણાવેલા બધાં ખડા મસાલા નાખો. અને કાજુ ના ટુકડા નાખી ત્યારબાદ પાણી નાખી તેને બાફવા મૂકો. બધું સરસ ચઢી જાય પછી ગેસ બંધ કરી દો. અને તેને ઠારવા માટે રાખો.

હવે તેને મિક્સર જાર લઈ ક્રશ કરી લો. ગ્રેવી તૈયાર છે. બધાં ખડા મસાલા પણ સાથે ક્રશ કરી લેવાના છે.

હવે એક પેન માં તેલ ગરમ કરવા મૂકો. તેલ ગરમ થઇ જાય એટલે તેમાં પેલા 1 ટી સ્પૂન લાલ મરચું પાઉડર નાખી પછી તેમાં ગ્રેવી નાખો. હવે તેમાં બધાં મસાલા કરી લો થોડી વાર માટે રહેવા દો. પછી તેમાં પનીર અને કાજુ ના ટુકડા નાખી દો. હવે તેને તેલ છૂટી જાય ત્યાં સુધી ધીમા તાપે રાખો. પછી ગેસ બંધ કરી દો.

હવે એક વઘારીયાં માં તેલ ગરમ કરો. તેલ ગરમ થઇ જાય એટલે તેમાં થોડી સબજી નાખો અને ગેસની ફલેમ ફાસ્ટ કરી તેમાં તડકો આપો. આ રીતે તડકો કરી સબજી ને તૈયાર કરો.

હવે તૈયાર છે શાહી પનીર તેને રોટી, પરાઠા કે નાન સાથે સર્વ કરો. મેં તેને ઘઉંના લોટની નાન સાથે ગરમ ગરમ સર્વ કર્યું છે.