સૌપ્રથમ એક બાઉલ માં ચણાનો લોટ અને રવો બંને ચાળી લો.

ત્યારબાદ તેમાં તૈયાર કરેલી આદું મરચાની પેસ્ટ, મીઠું, ખાંડ, તેલ, લીંબુના ફૂલ અને લીંબુ નો રસ ઉમેરી ૪-૫ મિનિટ સુધી બેટરને એક જ દિશા માં હલાવી, ૫ મિનિટ રેસ્ટ કરવા દેવું જેથી રવો તેમાં બરાબર મિક્સ થઈ જાય.

જ્યાં સુધી બેટર રેસ્ટ કરે ત્યાં સુધીમાં ગેસ પર એક કડાઈમાં પાણી મૂકી ગરમ થવા દેવું. હવે તૈયાર કરેલા બેટર માં ૧ ચમચી ઇનો અથવા ખાવાનો સોડા ઉમેરી ઉપર એક ચમચી પાણી નાખી ૧ મિનિટ હલાવવું.

હવે એક પાત્ર (કેક નું મોલ્ડ) લઈ તેને તેલથી ગ્રીસ કરી તૈયાર કરેલું બેટર તેમાં નાખી દો. હવે તે પાત્ર ને ગેસ પર રહેલી કડાઈ માં નીચે સ્ટેન્ડ મૂકી ૧૦ થી ૧૫ મિનિટ મેડીયમ ફ્લેમ પર રાખો.

૧૦ મિનિટ પછી ચપુ કે ટુથપિક થી ચેક્ કરી લેવું. હવે ઢોકલુ થઈ જાય એટલે તેને ઠરવા દેવું. ત્યારબાદ ખમણી ની મદદથી ભૂકો કરી દેવો.

હવે વઘાર માટે એક કડાઈ માં ૩ ચમચી તેલ મૂકી રાઈ, તેલ, લીમડાના પાન નાખવા. ૩-૪ ચમચી પાણી નાખી તેમાં ૩ ચમચી ખાંડ નાખી હલાવવું. હવે તેમાં તૈયાર કરેલો ઢોકળાનો ભુક્કો નાખી હળવા હાથે હલાવી લેવું.
ત્યારબાદ તેને સર્વિંગ પ્લેટમાં કાઢી ઉપર દાડમ, ઝીણી સેવ, અને કોથમરથી ફુદીનાની લીલી ચટણી નાખવી.

તો તૈયાર છે આપણી ગરમગરમ સહુ ને ભાવે એવી સેવખમણી.