સૌ પ્રથમ એક બાઉલમાં બાફેલા બટેટાનો માવો કરી તેમાં આદુ મરચાની પેસ્ટ, હળદર, ગરમ મસાલો, મરચુ પાઉડર, ખાંડ, મીઠું, કોથમીર, મરચા, દાડમના દાણા, લીંબુનો રસ નાખી સરસ હલાવી લો.

હવે એક બાઉલમાં ચણાનો લોટ લઈ તેમાં હળદર, મરચુ પાઉડર, મીઠુ, હીંગ નાખી સરસ મીકસ કરી પાણીથી ભજીયા જેવુ ખીરુ બનાવી લો.

કડાઈમાં તળવા માટે તેલ ગરમ કરવા મૂકો. તેલ ગરમ થાય છે ત્યાં બટાકાના પુરણમાંથી નાના ગોળા વાળી લો.

હવે ચણાના લોટના ખીરામાં ચપટી સોડા અને તેની પર ચમચી ગરમ તેલ નાખી સરસ મીકસ કરી લો. હવે બનાવેલ ગોળા તેમાં નાખી સરસ કોટીંગ કરી તળી લો.

તો તૈયાર છે ગરમાગરમ સ્વાદિષ્ટ બટાકાવડા. તેને સર્વ કરો.