સૌ પ્રથમ એક વાટકી રવો લઈ તેને એક કડાઈમાં શેકી લો. પછી બધા શાકભાજીને ઝીણા ઝીણાં કાપી લો અને ગરમ પાણી કરવા મૂકો.

એક વાસણમાં તેલ મુકી તેમાં રાઈ,અડદની દાળ, ચણાની દાળ અને મીઠો લીમડો નાખી વઘાર કરો. પછી તેમાં કાપેલા બધા શાકભાજી ઉમેરો અને થોડીવાર તેને ધીમા તાપે પાકવા દો.

હવે તેમાં જરૂર મુજબ ગરમ પાણી અને મીઠું નાખો. પાણી ઉકળવા લાગે પછી તેમાં શેકેલો રવો ઉમેરો.

રવો નાખ્યા બાદ તેને બરાબર હલાવો ઉપરથી નીચે હલાવી તેમાં કોથમીર નાખીને ફરીથી હલાવો અને ઢાંકણું ઢાંકીને પાંચ મિનિટ સુધી ધીમા તાપે પાકવા દો.

રવો આપણે પહેલાં શેકી લીધો હતો તેથી રવાને વધારે પકાવવાની જરૂર નથી. પાંચ મિનિટ સુધી પકાવ્યા બાદ રવાનો ઉપમા બનીને તૈયાર છે. ગરમાગરમ પીરસો.