પછી તેમાં સમારેલા લાલ-લીલા મરચાં, કોથમીર અને મીઠું નાખીને હલાવો. હવે વઘારીયામાં તેલ ગરમ કરી તેમાં રાઈ, જીરું, હિંગ, મીઠા લીમડાંના પાનનો વઘાર તૈયાર કરીને ખીરામાં ઉમેરો ત્યારબાદ તેમાં ખાવાનો સોડા નાખી બધું જ સારી રીતે મિક્સ કરો.

ઈડલીના કુકરમાં પાણી ગરમ કરવા મુકો. ઈડલીની વાટકીઓને તેલ લગાવીને ગ્રીસ કરીને તેમાં ખીરું ઉમેરીને ૧૦ મિનીટ માટે સ્ટીમ કરી લો. તો તડકા રવા ઈડલી તૈયાર છે.

તુવેરદાળને ગરમ પાણીથી સારીરીતે ધોઈ લો. હવે, કૂકરમાં દાળ અને ૧.૫ ગ્લાસ પાણી ઉમેરી ૩ સીટી કરી બાફીને ૨ ગ્લાસ પાણી ઉમેરી રઈની મદદથી મિકસ કરી લો.

આંબલીને પાણીમાં અડધી કલાક માટે પલાળી રાખો. ત્યારબાદ તેને ગાળી તેમાં લાલમરચું, ધાણાજીરૂ, હળદર, સાંભાર મસાલો અને મીઠું ઉમેરી મિકસ કરી લો.

ત્યારબાદ બાફેલી દાળમાં શાકભાજી, ગોળ અને મસાલા-આંબલીનું પાણી ઉમેરીને હલાવ્યા બાદ ફરીથી કૂકરની ૧ સીટી વગાડી લો.

કૂકર ઠંડું પડે એટલે તેને ખોલી લીમડો ઉમેરી ધીમા તાપે ઉકળવા મુકો. હવે, વઘાર માટે તેલ ગરમ કરી તેમાં લાલમરચા, રાઈ, જીરૂ અને હીંગનો વઘાર કરી દાળમાં ઉમેરી મિકસ કરી લો અને ૫ મિનીટ પછી ગેસની ફ્લેમ બંધ કરી દો. તો સાંભાર તૈયાર છે.

મિક્સર જારમાં કોપરાનું છીણ, દાળીયા, સીંગદાણા, લીલા મરચાં, આદું, કોથમીર અને મીઠું ઉમેરીને ક્રશ કરી લો.

ત્યારબાદ તેમાં જરૂર મુજબ પાણી ઉમેરીને સુંવાળી પેસ્ટ તૈયાર કરી એક બાઉલમાં કાઢી લો.

વઘાર માટે, તેલ ગરમ કરી તેમાં રાઈ, જીરૂ, હિંગ અને લીમડાના પાન ઉમેરી વઘાર કરીને ચટણી પર રેડી સારી રીતે મિક્સ કરી લો. તો તૈયાર છે નારિયેળની ચટણી.

તો તૈયાર છે ઈન્સ્ટન્ટ તડકા રવા ઈડલી, સાંભાર અને ચટણી.

ગરમા ગરમ સર્વ કરો.