સૌપ્રથમ વખત આ લોટને ચાળી લેવા. ડ્રાયફ્રુટ ની કતરણ કરી લેવી, જાયફળ અને કોપરાની કાછલી ને છીણી લેવી અને ઈલાયચીનો ભૂકો કરી લેવો.
ગોળ છીણી લેવો અથવા તો ઝીણા સમારી લો.

સૌપ્રથમ એક કડાઈમાં ઘી ગરમ મૂકી ગરમ થાય એટલે તેમાં ગુંદરને તળી લો પછી તેને એક ડિશમાં કાઢી ને દસ્તા અથવા તો વાટકીની મદદથી દબાઈને ભુક્કો કરી લો.

હવે તે જ ઘી માં બધા લોટ ઉમેરીને ધીમા તાપે સતત હલાવીને શેકતા રહો. લોટ શેકાઈ ને હલકો થઇ જશે અને તેની સરસ સુગંધ આવવા મળે ત્યાં સુધી શેકો. હવે તેમાં ટોપરાનું છીણ, ડ્રાયફ્રુટ ની કતરણ અને ઝીણી સમારેલી ખજુર ઉમેરી બેથી ત્રણ મિનિટ માટે શેકો.

હવે તેમાં ઈલાયચી પાવડર, જાયફળ પાવડર, તજ નો પાવડર, મરી પાવડર સુંઠ અને ગંઠોડાનું ઉમેરી બરાબર મિક્સ કરી લો. પછી તેમાં કાટલું પાવડર ઉમેરી ત્રણથી ચાર મિનિટ માટે ધીમા તાપે શેકો.

હવે તેમાં ગોળ ઉમેરી બરાબર મિક્સ કરી લો ગેસ બંધ કરી લો

એક થાળી ને ઘી થી ગ્રીસ કરીને તૈયાર કાટલું કાઢી દો અને પછી તેના ઉપર ડ્રાયફ્રુટ ની કતરણ તથા ટોપરા ની છીણ ભભરાવીને વાડકીથી સહેજ દબાવી દો. 10 મિનિટ પછી તેમાં કાપા પાડી દો.

તો તૈયાર છે વસાણા થી ભરપૂર એવો મલ્ટીગ્રેઇન કાટલા પાક સર્વ કરવા માટે. તૈયાર કાટલા પાકને એક ડબ્બા માં ભરીને રાખો અને રોજ સવારે એક ટુકડો ખાવાથી તે ખૂબ જ ફાયદાકારક નીવડે છે.

સર્વિંગ ડીશ માં લઈને મનપસંદ રીતે સજાવીને સર્વ કરો.