એક મોટા બાઉલમાં ઘઉંનો લોટ લઇ તેમાં રવો અને શેકેલું જીરું ઉમેરવાનું છે.

તેમાં વાટેલો અજમો, સફેદ તલ અને કસુરી મેથી ઉમેરવાના છે.

તેમાં હળદર અને સ્વાદ અનુસાર મીઠું ઉમેરી બધું જ બરાબર રીતે મિક્સ કરી લેવાનું છે.

ત્યારબાદ આ લોટમાં વચ્ચે ખાડો કરી ગરમ તેલ ઉમેરવાનું છે અને તેને પણ લોટ સાથે બરાબર રીતે મિક્સ કરી લેવાનું છે.

હાથની મુઠ્ઠી વાળો તો લોટ થોડો બંધાય તેટલું તેલનું મોણ હોવું જરૂરી છે. ત્યારબાદ તેમાં જરૂરિયાત મુજબ પાણી ઉમેરી કઠણ લોટ બાંધી આ લોટને ઢાંકીને ૧૫ થી ૨૦ મિનીટ માટે સાઈડ પર રાખી દેવાનો છે.

આ લોટના ગોરણા કરી મીડીયમ જાડુ રોટલી જેવું વણવાનું છે. કટર વડે તેને ડાયમંડ શેઇપમાં કટ કરી લેવાનું છે.

એક કડાઈમાં તેલ ગરમ કરી તેમાં આ કટ કરેલા શક્કરપારા તળી લેવાના છે. પહેલા હાઇ ફ્લેમ પર અને પછી મીડીયમ ફ્લેમ પર તળવાના છે. આ રીતે બધા શક્કરપારા તળીને તૈયાર કરી લેવાના છે.