સૌ પ્રથમ એક વાસણમાં મેંદા નો લોટ લઇ તેમાં મીઠું તેલનું મોણ અને જરૂર મુજબ પાણી નાખી પૂરી જેવો લોટ બાંધી લો ત્યારબાદ તેને પાંચ મિનિટ માટે ઢાંકી ને રહેવા દો

ત્યારબાદ મગની દાળનું પાણી નીતારી કોરી પાડી લો ત્યારબાદ કડાઈમાં તેલ ગરમ મૂકી આદુ-મરચા ની પેસ્ટ મગની દાળ અને મીઠું નાખી બરાબર મિક્સ કરી ઢાંકી દે થોડી સોફ્ટ થાય ત્યાં સુધી થવા દો પછી તેમાં બધા મસાલા કરો અને બરાબર મિક્સ કરી દસ મિનિટ માટે ઠંડુ થવા દો

ત્યારબાદ લોટના લુવા પાડી મોટી પૂરી વણી બે ચમચી જેટલું સ્ટફિંગ ભરી ફોલ્ડ કરી પાટલા ઉપર રાખી બે વેલણ ફેરવી દો અને કડાઈમાં તેલ ગરમ મૂકી કચોરીને મીડીયમ ગેસ ઉપર બંને બાજુથી ક્રિસ્પી અને દડા જેવી થાય ત્યાં સુધી તળી લો