સૌ પ્રથમ ખીરા માં સ્વાદાનુસાર મીઠું નાંખી હલાવી લો અને બે ભાગ કરી લેવા તેમાંથી જ ૧/૪ કપ ખીરામાં બનાવેલી લીલી ચટણી ઉમેરી હલાવી લો.

ઢોકળિયા માં પાણી ગરમ કરવા મુકો.થાળી ને તેલથી ગ્રીસ કરી લો.એક ભાગ ના ખીરા માં ૧ ટી. સ્પૂન ઈનો ઉમેરી હલાવી થાળી માં પાથરી તેને ૫ મિનિટ થવા દેવું પછી ઉપર લીલી ચટણી વાળું ખીરું પાથરી દેવું અને ૨ મિનિટ થવા દેવું.હવે ઉપર બીજા ભાગ ના ખીરા માં ઈનો ઉમેરી હલાવી તેને ચટણી વાળા લેયર પર પથરી ને ૧૦ મિનિટ થવા દેવું.

ઢોકળા બફાઈ જાય એટલે થાળી બહાર કાઢી લેવી.વઘારીયામાં તેલ લઈ ગરમ કરવા મુકો ગરમ થાય એટલે રાઈ ઉમેરવી તતડે એટલે તેમાં તલ ઉમેરવા ગેસ બંધ કરી વઘાર ને ચમચી થી ઢોકળા ની થાળીમાં બધે રેડી લેવો અને મનગમતા શેપમાં કાપા પાડી ઉપર લીલા ધાણા થી ગાર્નિશ કરી સર્વ કરવા.

તો તૈયાર છે સેન્ડવીચ ઢોકળા.