હવે અથાણાનો મસાલો બનાવવા માટે રાઈના કુરિયા અને મેથીના કુરિયા ને મિક્સરમાં પીસી લેવા ત્યારબાદ થાળીમાં સૌથી પહેલા રાઇના કુરિયા ગોળાકારમાં પાથરવા ત્યારબાદ મેથીના કુરિયા, વરીયાળી અને વચ્ચે હિંગ મૂકવી વઘારીયા માં સુકું મરચું,૩ ટી.સ્પૂન તેલ ગરમ કરવા મુકો અને તેમને પાથરેલા મસાલા પર રેડી દો ત્યારબાદ તેની પર હળદર નાંખવી અને શેકેલું મીઠું નાખવું મસાલો થોડો ઠંડો થાય એટલે લાલ મરચું મિક્સ કરવું આ રીતે અથાણાનો મસાલો તૈયાર કરવો

હવે કેરીને છોલીને છીણી લેવી તેમાં હળદર અને મીઠું નાખીને 10 મિનિટ સુધી રહેવા દો ત્યારબાદ તેમાં પાણી છૂટું પડે એટલે બે હાથ વડે તેને બરાબર દબાવી ને નીચોવી લો અને તે છીણમાં અથાણાનો મસાલો મિક્સ કરો

ત્યારબાદ ગુંદા ને થોડા ટીચી ને તેમાંથી ઠળિયા બહાર કાઢી લો અને તૈયાર થયેલો મસાલો ગુંદા માં દાબીનેભરી લેવો તૈયાર થયેલા ગુંદા ને એક વાસણમાં દબાવીને ભરી લો બાકીનો વધેલો અથાણાનો મસાલો પણ ઉપર પાથરી દેવો તેને એક દિવસ પછી, બરણીમાં ભરવા માટેગરમ કરીને ઠંડું પાડેલું સીંગતેલ પહેલા થોડું રેડવું ત્યારબાદ ગુંદા ભરવા ફરીથી તેલ રેડવું ફરી ગુંદા ભરવા બરણી ઉપર ડૂબાડૂબ તેલ ભરવું અથાણું તૈયાર થાય એટલે તેને ઉપયોગમાં લેવુ

તૈયાર થયેલું કેરી ના છીણ વાળુંબનાવેલું ગુંદાનું આ અથાણું ખૂબ જ સ્વાદિષ્ટ લાગે છે