ગુંદા ને સારી રીતે ધોઈ કોરા કરી તેમાંથી ઢળીયા કાઢી લો પછી ખાટા પાણીમાં ડુબાડીને નીતારી લો. તેમજ કેરી ના કટકા કરી હળદર અને મીઠું નાખી ૨ કલાક રાખી પછી નીતારી ને સુકવી દો.

હવે એક બાઉલમાં રાઇ- મેથી-ધાણાના કુરિયા નાખો. સાથે વરિયાળી, મરી, તજ, લવિંગ નાખી તેની ઉપર હળદર, લાલ મરચું, હિંગ નાખી તેની ઉપર ગરમ કરી ને પછી હુફાળુ કરેલ તેલ રેડો અને ઢાંકીને 10 મિનીટ એમ જ રહેવા દો. ત્યાર બાદ હળદર-મીઠા વાળી છીણેલી કેરી નાંખીને ચમચાથી હલાવી મિક્સ કરી લો. તૈયાર છે ગુંદા માં ભરવા નો આચાર મસાલો.

હવે તૈયાર કરેલ આચાર મસાલો ગુંદા ની અંદર ભરી દો. તેમજ થોડો આચાર મસાલો કેરીના કટકા માં નાખી મિક્સ કરો. આ કેરીના કટકા ને આચારવાળા ગુંદા માં મિક્સ કરો અને એર ટાઈટ ડબ્બામાં ભરી દો. પછી ઉપર ગરમ કરી ને ઠારેલ તેલ રેડો જેથી ગુંદા કાળા ના પડે અને લાંબો સમય સુધી ગુંદા નુ અથાણુ સારુ રહે.