સૌપ્રથમ ઘઉંના લોટમાં મોણ નાંખી રોટલી અને પરોઠા વચ્ચેનો મધ્યમ લોટ બાંધો.

તુવેર દાળ/ચણાની દાળને કૂકરમાં પાણી નાખી 3 સીટી માં બાફી લો. દાળ બફાઈ જાય એટલે તેને ચાળણીમાં નિતારી લો. હવે દાળ કોરી થઈ જાય એટલે ગેસ પર પેન મૂકીને તેમાં દાળ અને ખાંડ મિક્સ કરો. થોડીવાર મધ્યમ આંચ પર રાખી તવેથા વડે હલાવતા રહો. દાળ અને ખાંડ એકરસ થઇ જાય અને હાથમાં ગોળો વડે એવું પૂરણ તૈયાર થશે. પુરણને ઠંડુ થવા દો.

હવે લોટમાંથી મધ્યમ સાઈઝનો લુવો લઇ રોટલી વણો. પુરણનો ગોળો વાળી રોટલી ની વચ્ચે મૂકો. ચારે બાજુ થી કવર કરી વધારાનો લોટ કાઢી નાખો. હવે અટામણ માં રગદોળી ઉપર વેલણ ફેરવી પૂરણપોળી વણો.

પુરણ પૂરી વણાઈ જાય એટલે લોઢી પર મધ્યમ ફ્લેમ્ પર બંને બાજુ શેકી લો. પ્લેટમાં કાઢી તેનાં પર ઘી લગાવીને સર્વ કરો.