સૌપ્રથમ કારેલાને ધોઈ કોરા કરી તેને વચ્ચેથી ચીરો કરી અને અંદર રહેલા બિયા કાઢી લેવા. હવે તેમાં મીઠું છાંટીને 15 મિનિટ માટે ઢાંકી રાખો. ત્યારબાદ બધા જ કારેલા માંથી પાણી નિતારી લેવું. હથેળીમાં એક કારેલું લઈ અને તેને પ્રેસ કરશો એટલે પાણી નીતરી જશે. હવે ચણાના લોટને ગેસની સ્લો ફ્લેમ પર ફ્લેવર આવે ત્યાં સુધી શેકી લો. ઠંડો પડે એટલે સામગ્રીમાં દર્શાવ્યા પ્રમાણેના તમામ મસાલા, મીઠું, તેલ એડ કરો.

બધું જ બરાબર મિક્સ કરી લો. હવે એક તપેલામાં પાણી ગરમ મૂકો. તેની ઉપર કાણાવાળો ટોપો મૂકો અને તેમાં આ ભરેલા કારેલા બાફવા મૂકો. 20 મિનિટમાં કારેલા બફાઈ જશે.

હવે એક પેનમાં તેલ ગરમ કરો તેલ ગરમ થાય એટલે તેમાં રાઈ અને જીરુ નો વઘાર આપો. હવે તેમાં ટોમેટો પ્યુરી એડ કરો. મિક્સ કરો. ગેસની મીડીયમ ફ્લેમ પર ટામેટાની પ્યુરી માંથી તેલ છૂટું પડે ત્યાં સુધી હલાવતા રહો. હવે તેમાં 1/2 કપ પાણી નાખો. ઉકળે એટલે હવે તેમાં બાફેલા, કારેલા એડ કરો. મિક્સ કરો. ગેસની સ્લો ફ્લેમ પર તેને ત્રણથી ચાર મિનિટ સુધી રાખો અને ત્યારબાદ ગેસ ઓફ કરી દેવો. તૈયાર છે ભરેલા કારેલા.