સૌ પ્રથમ એક બાઉલ માં ચણા નો લોટ ચાળી લેવો.ત્યાર બાદ ધ્રાબો દેવા માટે ના ઘી અને દૂધ બંને ભેગા કરી ને નવશેકા ગરમ કરી ને તેને ચણા ના લોટ મા નાખી ને લોટ ને હાથે થી થોડો મિક્સ કરી ને તેને ૧૫ મિનિટ માટે દાબી દો.ત્યાર બાદ તેને ચોખા ચાળવા ની ચારણી થી ચાળી લો એટલે કંઇદાર લોટ તૈયાર થશે.

હવે એક કડાઈમાં ધીમા ગેસ પર ઘી ગરમ કરો અને તેમાં તૈયાર કરેલો લોટ નાખો.તેને સતત હલાવતા રહો.ધીમે ધીમે મિશ્રણ થોડુ હળવું થશે અને કલર પણ બદલાશે.હવે થોડો ગુલાબી કલર થઈ એટલે તેમાં દૂધ ઉમેરો અને સતત હલાવતા રહો જેથી દૂધ બળી જાય.જ્યારે મિશ્રણ નો કલર ડાર્ક થઈ ને ઘી છૂટું પડે એટલે ગેસ બંધ કરી દો.

હવે એક પેનમાં ખાંડ અને પાણી લો.થોડું ઉકળે એટલે તેમાં પાણી મા પલાળીલું કેસર નાખો.તેને ઉકાળી ને એક થી દોઢ તાર ની ચાસણી કરો.હવે આ ચાસણી ને શેકેલા મિશ્રણ મા ઉમેરો ને સતત હલાવતા રહો જ્યાં સુધી મિશ્રણ થોડું જાડું ન થાય ત્યાં સુધી.જ્યારે ચાસણી ઉમેરો ત્યારે મિશ્રણ સતપ જ હોવું જોઈ એ નહિતર મોહનથાળ કડક થઈ જશે.

હવે તેને એક ગ્રીસ કરેલા ટીન મા પાથરી દો.ત્યાર બાદ તેના ઉપર બદામ પિસ્તા ની કતરણ ભભરાવી દો અને થોડી તવેથા થી દબાવી દો જેથી તે ચોંટી જાય.થોડો ઠંડો થાય એટલે તેમાં કાપા પાડી લો.તેને એકદમ ઠંડો થતાં ચાર થી પાંચ કલાક થાય છે.તો તૈયાર છે મોહનથાળ.