#தக்காளி ஈஸியான தக்காளி சாதம்

கடாயில் எண்ணெய் மற்றும் நெய் சேர்த்து தாளிக்க கொடுக்கப்பட்டுள்ள பொருட்களை சேர்க்கவும். டிப்ஸ்: எண்ணெய் சேர்க்காமல் நெய் மட்டும் கூட சேர்த்துக் கொள்ளலாம். லஞ்ச் பாக்ஸ் பேக் பண்ணுகிறீர்கள் என்றால் எண்ணெயும் நெய்யும் சேர்ந்து சேர்த்துக் கொள்ளுங்கள்.

நறுக்கிய வெங்காயம் சேர்த்து இரண்டிலிருந்து மூன்று நிமிடம் வதக்கவும். வெங்காயம் பொன்னிறமானதும் இஞ்சி பூண்டு விழுது சேர்க்கவும். இஞ்சி பூண்டின் பச்சை வாசனை போகும் வரை வதக்கவும்.

நறுக்கிய பச்சை மிளகாய், கொத்தமல்லி இலை, புதினா இலை சேர்த்து இரண்டிலிருந்து மூன்று நிமிடம் வதக்கவும்.

அடுத்து நறுக்கிய தக்காளி சேர்த்து ஒரு நிமிடம் வதக்கவும். பிறகு தேவைக்கேற்ப உப்பு சேர்க்கவும். ஒரு தட்டு போட்டு மூடி மிதமான தீயில் ஐந்திலிருந்து ஏழு நிமிடம் வதக்கவும்.

ஒரு அகலமான பாத்திரத்தில் வடித்த சாதத்தை எடுத்துக் கொள்ளவும். அதில் தேவைக்கேற்ப தக்காளி கூட்டு சேர்த்து நன்றாக பிரட்டி கொள்ளவும். டிப்ஸ்: மொத்தமாக அனைத்து தக்காளி கூட்டையும் சேர்க்க வேண்டாம் உங்களது புளிப்பு சுவைக்கு ஏற்ப சேர்த்துக்கொள்ளவும். நாட்டுத்தக்காளி என்றால் அதிகமாக புளிப்பு இருக்கும் பெங்களூர் தக்காளி என்றால் புளிப்பு இருக்காது.

ஈஸியான தக்காளி சாதம் ரெடி இதை ரைத்தா அல்லது உருளைக்கிழங்கு வறுவல் உடன் சேர்த்து சாப்பிடலாம்.