காளானை தண்ணீர் ஊற்றி நன்கு கழுவி சுத்தம் செய்து வைக்கவும். பிறகு அதை சிறிய துண்டுகளாக நறுக்கி கொள்ளவும். அரைப்பதற்கு: மிக்ஸியில் தேங்காய் துருவல், இஞ்சி, பூண்டு, கசகசா, மிளகு ஏலக்காய், கிராம்பு,பட்டை, முந்திரி பருப்பு சேர்த்து தண்ணீர் ஊற்றி மையாக அரைத்து வைத்துக் கொள்ள வேண்டும்.

வானலில் எண்ணெய் ஊற்றி காய்ந்ததும் சோம்பு சேர்த்து வதக்கவும். பின்னர் வெங்காயம் நீளமாக கட் செய்ததை போட்டு வதக்கவும். இஞ்சி பூண்டு விழுது சேர்த்து நன்கு வதக்கவும். தக்காளி, உப்பு, மஞ்சள் தூள் சேர்த்து வதக்கவும்.
பின்னர் மிளகாய் தூள், மல்லி தூள் சேர்த்து எண்ணெய் விட்டு வரும் வரை வதக்கவும்.

பின்னர் காளானை சேர்த்து மூடி வைத்து தண்ணீர் விட்டு வரும் வரை வேக வைக்கவும். பிறகு அரைத்து வைத்துள்ள தேங்காய் பேஸ்ட் சேர்த்து தேவையான அளவு தண்ணீர் ஊற்றி உப்பு சேர்த்து கொதிக்க விடவும். எண்ணெய் பிரிந்து வந்ததும் கொத்தமல்லி சிறிதளவு சேர்த்து அலங்கரித்து இறக்கவும். சுவையான காளான் குழம்பு ரெடி. நன்றி