மீனை நன்றாக சுத்தம் செய்து கழுவி இரண்டு பக்கமும் மூன்று இடங்களில் கீறல் போட்டுக் கொள்ளவும்.

மஞ்சள்தூள், மிளகாய்த்தூள், மிளகுத்தூள், உப்புத்தூள், இஞ்சி பூண்டு விழுதை எலுமிச்சை சாறு சேர்த்து நன்றாக பேஸ்ட் போல் செய்து கொள்ளவும்.

ரொம்ப கெட்டியாக இருந்தால் தண்ணீர் சேர்த்து கலந்து கொள்ளவும்.

இந்த மசாலா பேஸ்ட்டை மீனின் இரண்டு புறமும் நன்றாக தடவி குளிர்சாதன பெட்டியில் ஒரு மணி நேரம் மூடி வைத்து ஊற வைக்கவும்.

வாழை இலையை நன்றாக சுத்தம் செய்து அதில் எண்ணெய் தடவி அடுப்பின் தணலில் காட்டி வாட்டிக் கொள்ளவும். மீனை இந்த வாழை இலையின் உள்ளே வைத்து நன்றாக சுருட்டிக் கொள்ளவும்

ஒரு பேனில் 2 டீஸ்பூன் எண்ணெய் ஊற்றி இந்த வாழை இலை மீனை அதில் வைத்து மூடி வைத்து இரண்டு புறமும் தலா ஏழு நிமிடங்கள் வறுத்து எடுக்கவும்.