குக்கரில் சுத்தம் செய்த ஆட்டுக்கால் 10சின்ன வெங்காயம் 2 நறுக்கிய தக்காளி மற்றும் மஞ்சள் தூள் தேவையான அளவு தண்ணீர் சேர்த்து 5விசில் விடவும். ஒரு கடாயில் எண்ணெய் ஊற்றி சூடானதும் சோம்பு, கருவேப்பிலை சேர்த்து தாளிக்கவும். பின்னர் மீதம் உள்ள வெங்காயம் சேர்த்து 1நிமிடம் வதக்கி பின் இஞ்சி பூண்டு பேஸ்ட் சேர்த்து நன்கு வதக்கிய உடன் தக்காளி சேர்த்து நன்கு வதக்கவும்.

பின்னர் நறுக்கிய கத்தரிக்காய், முருங்கைக்காய் சேர்த்து வதக்கி அதனுடன் மிளகாய் தூள், மல்லித்தூள் சேர்த்து 1நிமிடம் வதக்கவும். பின்னர் வேக வைத்த ஆட்டுக்காலை சேர்த்து கொதிக்க விடவும். (ஆட்டுக்கால் வேகவைத்த தண்ணீருடன்) குழம்பு அதிகம் வேண்டும் எனில் சிறிது தண்ணீர் சேர்த்து கொள்ளவும். பின் குழம்பிற்கு தேவையான உப்பு சேர்த்து 10நிமிடம் கொதிக்க விடவும். நன்கு கொதித்த உடன் சோம்பு, மிளகு, தோலுடன் பூண்டு சேர்த்து அரைத்த தேங்காய் விழுதை குழம்பில் சேர்த்து மேலும் 5நிமிடம் கொதிக்க விடவும்.

குழம்பு ரெடி. குறிப்பு : தேங்காய் அரைக்கும் போது முதலில் தேங்காயை நன்கு அரைத்துக் கொண்டு பின் சோம்பு, மிளகு, பூண்டு சேர்த்து சற்று கொர கொரப்பாக அரைக்கவும்.