முதல் நாள் இரவு தட்டைப் பயறை ஊற வைத்து மறுநாள் காலையில் அதனை தண்ணீர் வடிய விட்டு நன்கு உலர்த்தி ஒரு ஹாட் பாக்ஸில் போட்டு மூடி வைக்கவும். மறுநாள் காலையில் அதாவது 24 மணி நேரம் கழித்து பார்த்தால் அது நன்கு முளை விட்டிருக்கும்

ஒரு அகலமான பாத்திரத்தில் முளைக்கட்டிய பயிரை அது மூழ்கும் அளவு தண்ணீர் ஊற்றி அதனுடன் சின்ன வெங்காயம் தக்காளி இவற்றை பொடியாக நறுக்கி சேர்க்கவும் ஒரு கொதி வந்ததும் அடுப்பை மிதமான தீயில் வைக்கவும்

தேங்காய்த் துருவலை சீரகம், சோம்பு, மஞ்சள் தூள் சேர்த்து மிக்ஸி ஜாரில் நன்கு நைசாக அரைத்து விழுதாக எடுத்துக் கொள்ளவும்

புளியைக் சிறிது தண்ணீரில் ஊற வைத்து கரைத்து அதனை அரைத்த தேங்காய் விழுதுடன் சேர்க்கவும்

இதில் மிளகாய்த்தூள் மல்லித்தூள் சேர்த்து ஒரு குழம்பு பதத்திற்கு கரைக்கவும்

இந்த கரைசலை கொதித்துக் கொண்டிருக்கும் தட்டைப்பயறுடன் சேர்த்து தேவையான அளவு உப்பு சேர்க்கவும்

அடுப்பை அதிகமாக வைத்து ஒரு கொதி வந்தவுடன் ஒரு கப் தண்ணீர் ஊற்றி மீண்டும் மிதமான தீயில் வைத்து மூடி போட்டு 10 நிமிடங்கள் வைத்திருக்கவும் இப்போது பயிர் நன்கு வெந்திருக்கும். மசாலாவின் பச்சை வாடையும் போயிருக்கும். குழம்பு கொஞ்சம் தண்ணியாக இருக்கவும்

மற்றொரு அடுப்பில் சிறிய கடாயை வைத்து சிறிது எண்ணெய் ஊற்றி கடுகு, சீரகம், கருவேப்பிலை தாளித்து இதனை குழம்பில் ஊற்றவும். அடுப்பை அணைத்து விடவும்

முளைக்கட்டிய தட்டை பயிறு குழம்பு மிகவும் ருசியாக இருக்கும் சாதத்திற்கு ஏற்றது