மைதா மாவில்,சிறிது ஓமம், தேவைக்கு ஏற்ப உப்பு, ஒரு டேபிள்ஸ்பூன் எண்ணெய் சேர்த்து நன்கு பிரட்டி பின்பு தண்ணீர் தெளித்து பிசைந்துக் கொள்ளவும். பிசைந்த மாவை 20 நிமிடம் மூடி வைக்கவும்.

உருளைக்கிழங்கை வேகவைத்து மசித்து வைக்கவும். அதில் பச்சை மிளகாய், தேவைக்கேற்ப உப்பு, இஞ்சி விழுது, ஆம்சூர் பொடி, சிவப்பு மிளகாய்த் தூள், தனியா தூள் மற்றும் பொடியாக நறுக்கிய கொத்தமல்லி இலை சேர்த்து கலந்து வைக்கவும்.

ஒரு டேபிள்ஸ்பூன் மைதா மாவை தண்ணீரில் தோசை மாவு பதத்திற்கு கரைத்து வைக்கவும். 20 நிமிடம் ஊற வைத்த மாவை மெலிதான சப்பாத்தியாக தேய்த்து அதன் மேல் கலந்து வைத்த உருளைக்கிழங்கு மசாலாவை அப்ளை செய்யவும்.கரைத்த மாவை ஓரங்களில் சுத்தி பிரியாமல் இருக்க தடவி விடவும்.

இப்போது அதை உருட்டி ரோல் செய்யவும். ரோல் செய்தபின் இரண்டு முனைகளையும் வெட்டி எடுத்துவிட்டு, மீதமுள்ள பாகத்தை சிறு சிறு துண்டுகளாக வெட்டவும்.

வெட்டிய துண்டுகளை கரைத்து வைத்த மைதா மாவில் டிப் செய்து, சூடான எண்ணெயில் பொன்னிறமாக பொரித்தெடுக்கவும். மிதமான தீயில் வைத்து பொரிக்கவும்.