முதலில் மீடியம் அளவு நார்த்தங்காய் ஒன்றை படத்தில் காட்டி உள்ளபடி பொடியாக அரிந்து கொள்ளவும்.ஒரு வாணலியில் 4 ஸ்பூன் எண்ணெய் சேர்த்து அதில் 1 ஸ்பூன் கடுகு சேர்த்து பொரிய விடவும்.ஒரு பெரிய எலுமிச்சை பழம் அளவு புளியை ஊற வைத்து கொஞ்சம் கெட்டியாக கரைத்து கொள்ளவும். நீர்க்க கரைக்க வேண்டாம்.

இப்போது கடுகுடன் அரிந்த நார்தங்கயை நன்கு வதக்கி கொள்ளவும்.பிறகு அதில் 3 ஸ்பூன் சாம்பார் தூள் மற்றும் உப்பு சேர்த்து ஒரு முறை வதக்கி கொள்ளவும். பிறகு கரைத்து வைத்த புளியை சேர்த்து காயில் சேர்க்கவும். மூடி வைத்து நன்கு வேக விடவும்.

ஒரு ஸ்பூன் கடலைப்பருப்பு,ஒரு ஸ்பூன் உளுத்தம் பருப்பு மற்றும் 1 ஸ்பூன் வெந்தயம் சேர்த்து எண்ணெய் சேர்க்காமல் சிவக்க வறுக்கவும். அதை பொடி செய்து கொள்ளவும்.இதை வெந்த காயில் சேர்த்து கிளறவும். கடைசியாக வெல்லம் அல்லது சர்க்கரையைச் சேர்த்து கலந்து விடவும்.