ஒரு பாத்திரத்தில் ஒரு கப் மாவு, கால் ஸ்பூன் ஓமம், தேவையான அளவு உப்பு, மற்றும் 1ஸ்பூன் எண்ணெய் சேர்த்து கலந்து கொள்ளவும். பின்னர் கொஞ்சம் கொஞ்சமாக தண்ணீர் சேர்த்து மிருதுவான சப்பாத்தி மாவாக பிசைந்து 10நிமிடம் மூடி ஊற விடவும்.

முள்ளங்கியை தோல் நீக்கி துருவி கொள்ளவும். துருவிய முள்ளங்கியில் 1/4ஸ்பூன் உப்பு கலந்து 10நிமிடம் ஊறவிடவும். பின்னர் முள்ளங்கியை கையினால் தண்ணீர் இல்லாமல் பிழிந்து கொள்ளவும். பின்னர் ஒரு காடாயில் 2ஸ்பூன் எண்ணெய் ஊற்றி காய்ந்ததும் 1/2ஸ்பூன் சீரகம், 1/4ஸ்பூன் ஓமம் சேர்த்து தாளிக்கவும். பின்னர் பொடியாக நறுக்கிய இஞ்சி மற்றும் பச்சை மிளகாய் சேர்த்து கிளறவும். பின் பொடியாக நறுக்கிய வெங்காயம் சேர்த்து 3நிமிடம் வதக்கவும்.

பின்னர் தண்ணீர் இல்லாமல் பிழிந்து வைத்துள்ள முள்ளங்கியை சேர்த்து 2நிமிடம் வதக்கவும். பின் மிளகாய் தூள், கரம் மசாலா, ஆம்சூர் பவுடர் சேர்த்து கிளறவும். தண்ணீர் சேர்க்க கூடாது. மசாலா பச்சை வாசனை போகும் வரை 5நிமிடம் வதக்கி பொடியாக நறுக்கிய கொத்த மல்லிதூவி இறக்கவும். உப்பு தேவையெனில் சேர்த்து கொள்ளவும்.

பின்னர் சப்பாத்தி மாவை சிறு உருண்டை ஆக எடுத்து சிறிய அளவிலான சப்பாத்தியாக தேய்த்து பின் அதன் நடுவே முள்ளங்கி மசாலா வை வைத்து ரௌண்டாக மூடி மீண்டும் சப்பாத்தி தேய்ப்பது போல் அதிக அழுத்தம் கொடுக்காமல் தேய்த்து எடுத்து தோசைக்கல் நன்கு சூடானதும் சப்பாத்தியை போட்டு சிறிது எண்ணெய் சேர்த்து இருபுறமும் வேக வைத்து எடுத்தால் சுவையான முள்ளங்கி பராத்தா ரெடி தயிர் பச்சடியுடன் சாப்பிட அருமையாக இருக்கும்.