கொங்கு ஸ்பெஷல் மட்டன் குழம்பு

முதலில் தேவையான பொருட்கள் அனைத்தையும் தயாராக எடுத்து வைக்கவும்.. மட்டனை சுத்தமாக தண்ணீரில் அலசி ஒரு பாத்திரத்தில் வைக்கவும்... ஒரு கடாயில் 1 டீஸ்பூன் எண்ணெய் விட்டு காய்ந்ததும் அதில் கொத்தமல்லி சீரகம் மிளகு சேர்த்து நன்றாக வறுக்கவும்.. வரமிளகாய் சேர்த்து வறுத்து எடுக்கவும்.. தனியாக எடுத்து வைக்கவும்.. மீண்டும் அதே கடாயில் 2 டீஸ்பூன் எண்ணெய் விட்டு காய்ந்ததும் அதில் சின்ன வெங்காயம் பூண்டு இஞ்சி தக்காளி தேங்காய் துண்டுகள் எல்லாவற்றையும் ஒன்றன் பின் ஒன்றாக சேர்த்து நன்றாக வதக்கவும்..

ஆறியதும் மிக்ஸியில் போட்டு நன்றாக அரைத்து வைத்துக் கொள்ளவும். பின்னர் ஒரு குக்கரில் எண்ணெய் விட்டு காய்ந்ததும் அதில் மட்டன் துண்டுகளை சேர்த்து நன்றாக வதக்கவும்.. பின்னர் 1 டீஸ்பூன் இஞ்சி பூண்டு விழுது மற்றும் மஞ்சள்தூள் 1/2 டீஸ்பூன் சேர்த்து நன்றாக வதக்கவும்.தேவையான அளவு தண்ணீர் சேர்த்து 6-7 விசில் விட்டு இறக்கவும். பின்னர் ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் கடுகு போட்டு தாளித்து அதனுடன் அரைத்த கலவையை சேர்த்து நன்றாக வதக்கவும். பின்னர் வேக வைத்த மட்டன் துண்டுகளை சேர்க்கவும்

மட்டன் வேக வைத்த தண்ணீரை சேர்த்து தேவையான அளவு உப்பு சேர்த்து நன்றாக எண்ணெய் பிரிந்து வரும் வரை வேக விடவும்.. பின்னர் சிறிது கொத்தமல்லி இலை தூவி இறக்கவும்.. இப்போது சூடான சுவையான கொங்கு ஸ்பெஷல் மட்டன் குழம்பு ரெடி. நன்றி.ஹேமலதா கதிர்வேல்.. கோவை பாசக்கார பெண்கள்.