டீ கடை மடக்கு ஸ்வீட் (Tea kadai madakku sweet recipe in tamil)

மைதா மாவுடன் உப்பு, ஒரு டேபிள்ஸ்பூன் சர்க்கரை, ஒரு டேபிள்ஸ்பூன் எண்ணெய் எடுத்துக் கொள்ளவும்

பிறகு சிகப்பு கலர் பொடி சேர்த்து தண்ணீர் சிறிது சிறிதாக சேர்த்து சப்பாத்தி மாவு பதத்திற்கு பிசைந்து கொள்ளவும்

ஒரு பவுலில் அரிசி மாவுடன் தேவையான அளவு நெய் சேர்த்து நன்கு திக்கான பதத்தில் கரைத்துக் கொள்ளவும்

இப்போது மாவை செவ்வக வடிவத்தில் சப்பாத்தி போல் மிகவும் மெலிதாக தேய்த்துக் கொள்ளவும். கீழே சிறிதளவு மடிக்கவும்

அதன்மேல் கரைத்து வைத்த அரிசி மாவை லேசாக தடவவும். மேல் பகுதியிலும் தேய்க்கவும். இதற்கு மேல் இருந்து சிறிது பாதியாக மடக்கவும்

அதற்கு மேலும் அரிசி மாவு கலவையை சேர்த்து இதனையும் இரண்டாக மடிக்கவும். மடித்த பின் இதனை இலேசாக தேய்த்துக் கொள்ளவும்

பிறகு இதற்கு மேலும் அரிசி மாவு கலவையை பரவலாக தேய்த்து அதனையும் இரண்டாக மடித்து துண்டுகளாக போடவும்

துண்டுகள் ஒவ்வொன்றையும் லேசாக தேய்த்து எடுத்துக் கொள்ளவும்

ஒரு பவுலில் அரை கப் சர்க்கரை எடுத்துக் கொண்டு அது மூழ்கும் அளவு தண்ணீர் ஊற்றி கொதிக்க வைத்து பிசுக்கு பதம் வந்ததும் 2 டேபிள் ஸ்பூன் தண்ணீர் ஊற்றி அடுப்பை அணைக்கவும். சர்க்கரை பாகு ரெடி

கடாயில் எண்ணெய் ஊற்றி காய்ந்ததும் துண்டுகளை போட்டு மிதமான தீயில் வைத்து நன்கு பொரித்து எடுக்கவும்

பிறகு பொரித்த துண்டுகளை சர்க்கரை பாகினில் போட்டு 5 நிமிடத்திற்கு பின் உடனேயே வேறு ஒரு பாத்திரத்தில் பாகை விட்டு எடுத்து மாற்றி விடவும்