கர்நாடகா ஸ்பெஷல் மதுர் வடா🍽️☕ (Mathur vada recipe in tamil)

கப் அரிசி மாவு, அரை கப் ரவை, கால் கப் மைதா எடுத்துக் கொள்ளவும் இதில்,பெருங்காயத் தூள்,வறுத்த எள்ளு, சில்லி ஃப்ளேக்ஸ் மற்றும் நிலக்கடலை சேர்த்து கலந்து வைத்துக் கொள்ளவும்.அரிந்த வெங்காயம் கொத்தமல்லித்தழை கறிவேப்பிலை பச்சை மிளகாய் மற்றும் உப்பு சேர்த்து பிசைந்து கொள்ளவும். 10 நிமிடம் வைத்து விடவும் வெங்காயத்தில் உள்ள நீர் விட்டு விடும்.பிறகு இதில் அரிசி மாவு கலவையை சேர்த்து ஒரு ஸ்பூன் நெய் மற்றும் 2 டேபிள் ஸ்பூன் எண்ணெயைக் காயவைத்து சேர்க்கவும். நன்கு கலந்து விடவும்.

தேவையான அளவு தண்ணீர் தெளித்து மாவை பிசைந்து கொள்ளவும். பிறகு தேவையான அளவு உருண்டையாக உருட்டிக் கொள்ளவும். வாணலியில் பொறிக்க தேவையான அளவு எண்ணெய் சேர்த்துக் காய விடவும். உருட்டிய உருண்டைகளை உள்ளங்கையில் தட்டி மிதமான தீயில் இரண்டு புறமும் நன்கு திருப்பி விட்டு பொரித்து எடுக்கவும். மொத்தமாகவும் இல்லாமல் மெலிதாகவும் இல்லாமல் மீடியம் அளவில் தட்டிக் கொள்ளவும். இருபுறமும் சிவக்க எடுக்கவும்.

இதேபோல் எல்லா வடைகளையும் சுட்டு எடுக்கவும். இது மதிய விருந்தில் சாப்பாட்டுடன் சாப்பிடலாம். மாலை நேர சிற்றுண்டியாக சட்னி வகைகள் உடன் தொட்டுக்கொண்டு சாப்பிட சுவையாக இருக்கும்.