வரகு சுமார் 100 கிராம் அளவிற்கு எடுத்துக் கொள்ளவும்.அதை வெறும் வாணலியில் லேசாக வறுத்துக் கொள்ளவும். வருத்த வரகை கழுவி சுத்தம் செய்து தண்ணீரில் கால் மணி நேரம் ஊற வைக்கவும். தலா ஒரு ஸ்பூன் கடுகு உளுத்தம் பருப்பு கடலை பருப்பு நறுக்கிய பச்சை மிளகாய் நறுக்கிய இஞ்சி துண்டு பெருங்காயத்தூள் கறிவேப்பிலை கொத்தமல்லி அனைத்தும் எடுத்துக் கொள்ளவும்.

ஒரு சிறிய கேரட் எடுத்து தோல் சீவி 2 அல்லது 3 டேபிள்ஸ்பூன் வருமளவிற்கு துருவிக்கொள்ளவும். இதற்கிடையில் மூன்று கப் அளவிற்கு காய்ச்சிய பாலை எடுத்துக் கொள்ளவும்.

15 நிமிடம் வரகு ஊறிய பிறகு குக்கரில் சேர்த்து 3 கப் தண்ணீர் 3 கப் பால் சேர்த்து மூடி வைத்து 2 சவுண்ட் விடவும். பிறகு பத்து அல்லது பதினைந்து நிமிடம் வரை மிதமான தீயில் குக்கரை அடுப்பில் வைத்திருந்து ஆப் செய்யவும்.

வரகு பால் தண்ணீரில் நன்கு குழைய வெந்து விடும். இதை நன்றாக கரண்டி கொண்டு மசித்து விடவும். ஒரு வானவில் ஒரு ஸ்பூன் எண்ணெய் விட்டு காய விட்டு அதில் கடுகு, உளுத்தம்பருப்பு, கடலைப்பருப்பு பெருங்காயத்தூள், பச்சை மிளகாய், இஞ்சி, இவற்றை சேர்த்து வதக்கவும். தாளித்த பொருள் + துருவிய கேரட், நறுக்கிய கொ.மல்லி க.இ எல்லாவற்றையும் வரகு சாதத்தில் உப்பு சேர்த்து கலந்து விடவும். பிறகு அரை கப் அளவிற்கு புளிக்காத தயிர் சேர்த்து நன்கு கலந்து விடவும். சூப்பரான சுவையான ஆரோக்கியம் நிறைந்த வரகு தயிர் சாதம் ரெடி.

குறிப்பு: அப்போதே சாப்பிட வேண்டும் என்றால் அரை கப் அளவிற்கு புளிக்காத தயிர் சேர்த்துக் கொள்ளவும். காலையில் செய்து மதியம் சாப்பிடுவது என்றால் அரை ஸ்பூன் அல்லது ஒரு ஸ்பூன் அளவிற்கு தயிர் சேர்த்து கலந்து வைக்கவும் தானே புளித்துவிடும். வெயில் காலத்தில் கால் ஸ்பூன் தயிர் சேர்த்தால் போதும். மதியம் அல்லது வெளியூருக்கு செல்லும் போது வழியில் சாப்பிட எடுத்து செல்வது என்றால் பாலியிலேயே வேகவைத்து கால் ஸ்பூன் தயிர் சேர்த்து கலந்து வைத்துக் கொள்ளலாம். வெயில் காலம் என்றால் ஒரு சொட்டு தயிர் சேர்த்தால் போதும்