ஒரு பாத்திரத்தில் மைதா மாவு, ரவை, சீரகம் சேர்க்கவும்

பிறகு இதில் உப்பு, சூடான எண்ணெய் தேவையான அளவு தண்ணீர் சேர்த்து சப்பாத்தி மாவு பதத்திற்கு பிசையவும் இது மிருதுவாக இருக்க வேண்டும்

பிறகு இதை இரு பங்காக பிரித்து ஒரு பங்கை சப்பாத்தி போல் தேய்த்து கொள்ளவும் பிறகு சதுரமாக வெட்டி படத்தில் காட்டியவாறு சிறு சிறு துண்டுகளாக நீளவாக்கில் வெட்டிக் கொள்ளவும் பிறகு ஒரு சின்ன கப்பில் எண்ணை தேய்த்து எடுத்துக் கொள்ளவும்

எண்ணைய் தேய்த்த பாத்திரத்தின் மேல் படத்தில் காட்டியவாறு வைக்கவும் ஒவ்வொரு துண்டு வைக்கும் போதும் அடுத்த துண்டு வைக்கும் போது தண்ணீர் சேர்த்துக் கொள்ளவும்... சுற்றும் துண்டு மேல் மற்றொன்றுக்கு கீழ் என பின்னிக்கொள்ளவும் (கூடை பின்னுவது போல்)

இதேபோல் மற்ற அனைத்தையும் தயாரித்துக் கொள்ளவும்

கடாயில் எண்ணெய் ஊற்றி எண்ணெய் காய்ந்ததும் தயாரித்து வைத்திருக்கும் கூடை கப்பை எண்ணெயில் சேர்த்து முதலில் குறைந்த தீயில் வைக்கவும் பிறகு மிதமான தீயில் வைக்கவும்

நன்றாக வெந்து வரும் பொழுது கப் கூடையில் இருந்து வெளியே வரும் அப்போது கப்பை எடுத்து விடவும்... பிறகு கூடையை பொன்னிறமாக பொரிக்கவும்

தயாரித்து வைத்திருக்கும் கூடையில் இப்போது சிறிது வேகவைத்த உருளைக்கிழங்கு, பச்சைப் பட்டாணி, பச்சைப் பயிறு சேர்க்கவும்

பிறகு சிறிது தயிர், புளி கரைசல், மிக்ஸ்சர் என வைக்கவும்

இதேபோல் மற்றொரு அடுக்காக அதன்மேல் உருளைக்கிழங்கு, பட்டாணி,பச்சை பயிர், தயிர், புளிக் கரைசல், நறுக்கிய வெங்காயம் என சேர்க்கவும்

இறுதியாக இதன் மேல் மிளகாய் தூள், சாட் மசாலா தூவி பரிமாறவும்

கூடை கச்சோரி தயார்... ❤️🥰