ஆப்பம் மற்றும் கடலை கறி

ஒரு பவுலில் அரிசி, உளுத்தம்பருப்பு இவற்றை எடுத்து நன்கு கழுவி சுத்தம் செய்து தண்ணீர் ஊற்றி 5 மணி நேரம் தண்ணீரில் ஊற வைக்கவும்.

பின்னர் மிக்ஸியில் நன்கு மையாக அரைத்து எடுத்து கொள்ளவும். இதில் வேக வைத்த சாதம், 1/2கப் தேங்காய் சேர்த்து பேஸ்ட் போல் அரைத்து இரண்டும் நன்கு கலந்து விட்டு சிறிதளவு உப்பு சேர்த்து 8 மணி நேரம் அப்படியே வைத்து விடவும்.

மாவு நன்கு புளித்து வந்த பிறகு மாவு கெட்டியாக இருந்தால் தேங்காய் தண்ணீர் ஊற்றி கரைத்து கொள்ளவும். அடுப்பில் ஆப்ப சட்டி வைத்து ஒரு கரண்டி மாவு ஊற்றி ப்ளவர் போல சுற்றி விட்டு மூடி வைத்து வேக வைக்கவும்.சூப்பரான ப்ளவர் வடிவில் ஆப்பம் தயார்.

முதலில் கடலையை 8 மணி நேரம் தண்ணீரில் ஊற வைத்து எடுத்து கொள்ளவும். பிறகு அதை குக்கரில் சேர்த்து போதுமானளவு தண்ணீர் சேர்த்து உப்பு போட்டு மூடி வைத்து 5 விசில் விட்டு இறக்கவும்.

வாணலியில் எண்ணெய் ஊற்றி காய்ந்ததும் சோம்பு தாளித்து பூண்டு பல் சிறு சிறு துண்டுகளாக நறுக்கி சேர்த்து வதக்கவும். வெங்காயம், கறிவேப்பிலை சேர்த்து வதக்கி தக்காளி, மஞ்சள் தூள், உப்பு சேர்த்து நன்கு வதக்கவும்.

பிறகு மிளகாய் தூள், மல்லி தூள், கரமசாலா, உப்பு சேர்த்து பச்சை வாசனை போக வதக்கவும்.மிக்ஸியில் தேங்காய் துருவல், பட்டை, கிராம்பு, ஏலக்காய் சேர்த்து பேஸ்ட் போல் அரைத்து கொள்ளவும்.

பிறகு இதில் வேக வைத்த கடலை சேர்த்து அரைத்த தேங்காய் பேஸ்ட் சேர்த்து கலந்து விட்டு தேவையான அளவு தண்ணீர் ஊற்றி உப்பு, காரம் சரிபார்த்து கொள்ளவும்.குழம்பு கொதித்து பச்சை வாசனை போனதும் கொத்தமல்லி தூவி இறக்கவும்.