1கப் சிவப்பு கொண்டைக் கடலையை 7 மணி நேரம் ஊற வைத்து குக்கரில் 7 விசில் வேக வைத்து, தண்ணீரை சிறிது வடித்து விடவும். ஒரு தட்டில் 1 டீஸ்பூன் சோம்பு,1துண்டு பட்டை, 2கிராம்பு, 1 ஏலக்காய், 1 தக்காளி, 4பல் பூண்டு, 1 துண்டு இஞ்சி எடுத்து வைக்கவும்.

தேங்காயைத் துருவி 1/2கப் எடுத்து வைக்கவும்.கடாயில் 1டீஸ்பூன் தேங்காய் எண்ணெய் விட்டு சோம்பு இஞ்சி,பூண்டு,பட்டை கிராம்பு, ஏலக்காய்,தாளித்து சிறிது கறிவேப்பிலை, நறுக்கிய 1 பெரிய வெங்காயத்தை சேர்த்து வதக்கவும்,அதில் 1 தக்காளியையும் நறுக்கி சேர்த்து வதக்கவும். 1/2 கப் துருவிய தேங்காயையும் சேர்த்து நன்கு வதக்கவும்.

1டீஸ்பூன் மிளகாய்த்தூள் 1/2டீஸ்பூன் கரம்மசாலா 1/2டீஸ்பூன் மஞ்சள் தூள், 1 1/2டீஸ்பூன் தனியா தூள் சேர்த்து வதக்கி ஆறவிட்டு அனைத்தையும் மிக்ஸி ஜாரில் சேர்த்து விடவும்.

குக்கரில் 1டீஸ்பூன் தேங்காய் எண்ணெய் விட்டு 1 டீஸ்பூன் கடுகு,1 வரமிளகாய் கிள்ளியது,சிறிது கறிவேப்பிலை 1 பெரிய வெங்காயம் நறுக்கியது 1பச்சை மிளகாய் சேர்த்து வதக்கி விடவும். மிக்ஸி ஜாரில் சேர்த்த மசாலாவை நன்கு நைசாக அரைத்து விடவும். சிவப்பு கொண்டை கடலையை வடித்து எடுத்து வைக்கவும்.

அதில் அரைத்த மசாலா விழுது உப்பு சேர்த்து வதக்கி தண்ணீர் சிறிது விட்டு கொதிக்க வைத்து அடுப்பிலிருந்து இறக்கி விடவும். சுவையான கேரளா ஸ்பெஷல் கடலை கறி ரெடி😄😄