ஒரு பாத்திரத்தில் எண்ணெய் மற்றும் நெய் சேர்த்து அதில் பட்டை, கிராம்பு,ஏலக்காய்,மிளகு,பிரிஞ்சி இலை போன்றவற்றை பொரிய விட்டு பின்பு ஷ - ஜிரா சேர்க்கவும்.

இதில் வெங்காய விழுது சேர்த்து பொன்னிறமாக வதங்கிய பின்பு இஞ்சி பூண்டு விழுது சேர்த்து பச்சை வாடை போகும் வரை வதக்கவும்.

இதனுடன் தக்காளி விழுது சேர்த்து எண்ணெய் பிரிந்து வரும் வரை வதக்கி பின்பு மிளகாய்த்தூள்கள்,கரம் மசாலாத்தூள், மஞ்சள்தூள் சேர்த்து வதக்கவும்.

பின்னர் தயிர் சேர்த்து நன்கு கலந்து மிதமான தீயில் வைத்து,உப்பு தேவையான அளவு சேர்க்கவும்....

முந்திரியை வெதுவெதுப்பான பாலில் ஊறவைத்து அரைத்து பின்பு இந்த கிரேவியுடன் சேர்க்கவும்.

மீதமுள்ள பால் மற்றும் ஒரு இன்ச் சதுரத் துண்டுகளாக நறுக்கிய பனீர் சேர்த்து கலந்து இந்தக் கலவையை மூன்று நிமிடம் மூடி மிதமான தீயில் வைத்து கொதிக்க விடவும்.

பின்னர் இறுதியாக உலர் வெந்தய இலையை கைகளால் கசக்கி பொடியாக தூவி,கலந்து சூடாக பரிமாறவும். இது சப்பாத்தி, ஃபுல்கா, ரொட்டி உடன் மிகவும் சுவையாக இருக்கும்.