2 கப் புழுங்கல் அரிசியை 3 மணி நேரம் ஊறவைத்து கிரைண்டரில் கொரகொரப்பாக அரைத்து விடவும். 1 கப் சற்று புளித்த தயிர் எடுத்து வைக்கவும்.

தயிர் 1 கப் எடுத்து வைக்கவும். துருவிய தேங்காய் எடுத்து வைக்கவும்.மிக்ஸி ஜாரில் கல்லுப்பு சேர்த்து விடவும்.

மிக்ஸி ஜாரில் கல்லுப்பு துருவிய தேங்காயை சேர்த்து அரைத்து விழுதாக வைக்கவும்.12வரமிளகாயை கிள்ளி வைக்கவும். கறிவேப்பிலையை கழுவி எடுத்து வைக்கவும்.

கடாயில் 2 குழிக்கரண்டி எண்ணெய் விட்டு 1 டீஸ்பூன் கடுகு,2 டேபிள் ஸ்பூன் உளுந்து பருப்பு, 2 டேபிள் ஸ்பூன் கடலை பருப்பு, கிள்ளிய 12 வரமிளகாய், 1/2 டீஸ்பூன் பெருங்காயத்தூள் கறிவேப்பிலை சிறிது சேர்த்து பொன்னிறமாக தாளித்து விடவும். அதில் அரைத்து வைத்த அரிசி மாவு தயிர் அரைத்த தேங்காய் விழுது சேர்த்து விடவும்.

இவற்றை நன்கு கலக்கி விட்டு அடுப்பை சிம்மில் வைத்து மூடி விட்டு வேகவிடவும். மீதமுள்ள 1 குழிக்கரண்டி ஆயில் விட்டு, அடிக்கடி திறந்து கிளறி விடவும்.

குறைந்தது 1 மணி நேரம் இவ்வாறு அடிக்கடி கிளறி மூடி வைத்து வேகவிடவும். மோர் மாவு சற்று சிவந்த நிறத்தில் ரெடியாகிவிடும். வீடே கமகமவென்று மோர் மாவு வாசனை மணக்கும்.

கடாயில் அடியில் இருக்கும் மோர் மாவு பத்து மிகவும் சுவையாக இருக்கும். தாளித்த தயிர் மற்றும் பொட்டுக்கடலை சட்னி, சர்க்கரை வைத்து தொட்டு சாப்பிட மிகவும் சுவையாக இருக்கும்.😄😄