ஒரு கடாயில் எண்ணெய் மற்றும் நெய் சேர்த்து ஏலக்காய், கிராம்பு மற்றும் பட்டை சேர்த்து நன்கு வதக்கவும். பிறகு நறுக்கிய வெங்காயத்தை சேர்த்து சிறிதளவு உப்பு சேர்த்து நன்கு வதக்கிக் கொள்ள வேண்டும்.

வெங்காயம் நன்கு வதங்கிய பிறகு இஞ்சி பூண்டு விழுது சேர்த்து நன்கு வதக்கிக் கொள்ள வேண்டும். பச்சை வாடை போன பிறகு நறுக்கிய தக்காளி மற்றும் பச்சை மிளகாய் சேர்த்து வதக்கிக் கொள்ள வேண்டும்.

பிறகு புதினா இலைகள், மஞ்சள் தூள் மற்றும் கரம் மசாலா சேர்த்து கொள்ள வேண்டும்.

அதன் பிறகு மிளகாய்த்தூள், மல்லித்தூள் மற்றும் அரைத்த தேங்காய் விழுது சேர்த்து கொள்ள வேண்டும்.

தண்ணீர் (2 டம்ளர்) சிறிதளவு சேர்த்து நன்கு கொதிக்க விட வேண்டும். மசாலா வாடை அடங்கும்வரை கொதிக்கவிட வேண்டும். பிறகு முட்டைகளை உடைத்து ஊற்றிக் கொள்ள வேண்டும். முட்டைகள் வெந்தபிறகு சேமியாவை சேர்த்து கொள்ள வேண்டும்.

தண்ணீர் வற்றும் வரை சேமியாவை நன்கு சமைத்துக் கொள்ள வேண்டும். சேமியா நன்கு வெந்த பிறகு சிறிதளவு கொத்தமல்லி இலைகளை தூவி கொள்ள வேண்டும். பத்து நிமிடங்கள் மூடி வைத்து மேலே வெயிட் வைத்து அதன்பிறகு பரிமாற வேண்டும்.

சுவையான மற்றும் வித்தியாசமான முறையில் சேமியா பிரியாணி தயார்.