கடலை பருப்பை அது மூழ்கும் அளவு தண்ணீர் ஊற்றி 1 முதல் 2 மணி நேரங்கள் ஊற வைக்கவும். பிறகு இதனை நன்கு தண்ணீர் இல்லாமல் வடித்து மிக்ஸி ஜாரில் சேர்த்து 1ஸ்பூன் சோம்பு, தேவையான அளவு உப்பு சேர்த்து கொரகொரப்பாக அதாவது முக்கால் பதமாக அரைத்து எடுக்கவும்

இதனை சிறிது சிறிதாக பிடித்து இட்லி சட்டியில் ஆவியில் 7 நிமிடங்கள் வேக வைத்து எடுத்துக் கொள்ளவும்

கடாயில் 2டேபிள்ஸ்பூன் எண்ணெய் விட்டு காய்ந்ததும் பட்டை, கிராம்பு, 1\2 ஸ்பூன் சோம்பு தாளித்து பிறகு கறிவேப்பிலை சேர்த்து வதக்கவும்

பிறகு நீளவாக்கில் அரிந்த வெங்காயத்தை சேர்த்து ஒரு நிமிடம் வதக்கி விட்டு, தக்காளியையும் பொடியாக அரிந்து சேர்த்து அடுப்பை சிறிது குறைவான தணலில் வைத்து நன்கு மசிய வதக்கி விடவும். இதனுடன் மிளகாய்த்தூள் மஞ்சள் தூள் சேர்க்கவும்.

இதனையும் ஒரு நிமிடம் வரை நன்கு வதக்கி விட்டு தேவையான அளவு உப்பு, அரை கப் தண்ணீர் ஊற்றவும்

அடுப்பை அதிக தணலில் வைத்து தண்ணீர் கொதி வர விடவும்

கொதி வர ஆரம்பித்ததும் தேங்காய் விழுது ஒரு ஸ்பூன் சேர்த்து நன்கு கலந்து மீண்டும் கொதி வர விடவும்

இப்போது வேக வைத்து எடுத்துள்ள கறியை கையால் சிறிது சிறிதாக உதிர்த்து விட்டு அதனுடன் சேர்க்கவும்

இப்போது 5 முதல் 7 நிமிடங்கள் நன்கு கொதிக்க விடவும். இப்போது வடகறி சரியான பதத்திற்கு(semi solid) வந்துவிடும். பிறகு அடுப்பை அணைக்கவும்.

டேஸ்டியான, சென்னை வடகறி. ரொம்ப எளிமையான முறையில் ருசியாக செய்து விடலாம். இட்லி, தோசை, பூரி க்கு சூப்பரான சைட் டிஷ்.