உளுந்தை வறுக்க தேவையில்லை... ஒரு மிக்ஸி ஜாரில் உளுந்தை சேர்த்து நன்றாக அரைத்து சலித்து கொள்ளவும்..

சலித்த மாவுடன் பேக்கிங் சோடா, உப்பு சேர்த்து கலந்து தண்ணீர் விட்டு பூரி மாவு பதத்திற்கு கெட்டியாக பிசைந்து கொள்ளவும்.. அதை 1/2மணி நேரம் ஊற வைக்க வேண்டும்..

1/2மணி நேரம் ஊறிய மாவை கையால் பிசைய முடிந்தால் பிசையவும்.. இல்லையென்றால் பூரி கட்டையாலோ இல்லை குட்டி உரலில் உள்ள குளவி வைத்தோ நன்றாக தட்டி மென்மையான மாவாக பிசைந்து கொள்ளவும்..

இப்போது அதை இரண்டாக பிரித்து 1 சாதாரணமாகவும், இன்னொன்று மிளகு தூள் சேர்த்தும் செய்யலாம்..

சிறிய உருண்டைகளாக வெட்டி வட்டமாக தேய்த்து ஒரு மூடி வைத்து விரும்பிய அளவில் வட்டமாக தேய்த்து கொள்ளலாம்... நீளமாகவும் தேய்த்து கொள்ளலாம்... எவ்வளவு மெல்லியதாக தேய்க்க முடியுமோ அவ்வளவு மெல்லியதாக தேய்க்க வேண்டும்.

நான் பால்கனியில் காய வைத்தேன்... மாடியில் வெயிலில் காய வைத்தால் நீண்ட நாட்கள் நன்றாக இருக்கும்... ஃபேன் காற்றிலும் காய வைக்கலாம்... மாடியில் என்றால் 2மணி நேரம் காய வைக்கவும்.. ஃபேன் காற்றில் என்றால் 4மணி நேரம் காய வைக்க வேண்டும்...

இதை எண்ணெயில் பொரிக்கும் போது கடையில் வாங்கும் அப்பளம் போல பெரிதாக வராது.. கடையில் மைதா சேர்த்து செய்வதால் பெரிதாக வரும்..