'குழம்பு கூட்டி' செய்த மொச்சை கருவாட்டு குழம்பு(mochai karuvattu kulambu recipe in tamil)

ஒரு பாத்திரத்தில் கை பொறுக்கும் சூட்டில் உள்ள சுடு தண்ணீரில் கருவாட்டை போட்டு 10-20நிமிடங்கள் மூடி வைக்கவும்.

அதிக சூட்டில் பயன்படுத்தினால்,கருவாடு அதே தண்ணீரில் கரைந்து விடும்.

பின் எடுத்து தலை,வால் கிள்ளி,செதில்களைச்(தண்ணீரில் நனைத்து நனைத்து) சுரண்டி எடுக்க வேண்டும்.ஈசியாக வந்து விடும்.
இவ்வாறு எல்லா கருவாட்டையும் சுத்தம் செய்து பின்,கழுவிக் கொள்ளவும்.

முதலில் குழம்பு கூட்ட வேண்டும்.

குழம்பு வைக்கும் பாத்திரத்தில் அரைத்த தேங்காய் விழுது,குழம்பு மிளகாய் தூள் மற்றும் புளி கரைசல் சேர்த்து, அதனுடன் குழம்பு எவ்வளவு வேண்டுமோ,அதே போல் இன்னோரு மடங்கு தண்ணீர் சேர்த்து கரைத்து அடுப்பில் வைக்கவும்.

நான் தோராயமாக 1.5லி எடுத்துள்ளேன்.

உப்பு சேர்க்கவும்.நன்றாக கொதிக்க விடவும்.கொதித்து குழம்பு சுண்டி வரும்.

கருவாடு மற்றும் மொச்சை வெந்து குழம்பு பதம் வந்ததும் உப்பு சரிபார்த்து கறிவேப்பிலை தூவி இறக்கவும்.

மீன்,கருவாடு குழம்புகளுக்கு தாளிப்பது வழக்கம் இல்லை.