*முடக்கத்தான் கீரை சாம்பார்*(mudakathan keerai sambar recipe in tamil)

முடக்கத்தான் கீரையை சுத்தம் செய்து, நறுக்கிக் கொள்ளவும்.வெங்காயம், தக்காளியையும், நறுக்கிக் கொள்ளவும்.

து.பருப்பை, சுத்தம் செய்து தேவையான தண்ணீர் விட்டு, குக்கரில் போட்டு, தக்காளி, பூண்டு, உப்பு, ம.தூள் சேர்த்து, 1 ஸ்பூன் விளக்கெண்ணெய் விடவும்.

பின் குக்கரை மூடி 3 விசில் வைத்து நன்கு வேக வைத்துக் கொள்ளவும்.

கடாயில், ந.எண்ணெய் காய்ந்ததும், கடுகு, வெந்தயம், மிளகாய் தாளிக்கவும்.

தாளித்ததும்,வெங்காயம், உப்பு போட்டு வதக்கியதும், ம.தூள், சாம்பார் பொடி போடவும்.

புளியை ஊற வைத்து, கரைத்து, நன்கு வடி கட்டிக் கொள்ளவும்.பின், கீரை, சர்க்கரை போட்டு வதக்கவும்.

அடுப்பை மீடியத்தில் வைத்து, புளிக் கரைசலை ஊற்றவும்.புளி வாசனை போனதும், வெந்த பருப்பு கலவையை நன்கு மசித்து போடவும்.

கொதித்து கெட்டியானதும், வெல்லக் கட்டியை போடவும்.ஒன்று சேரக் கோதித்ததும், அடுப்பை நிறுத்தி விட்டு, கொத்தமல்லி, கறிவேப்பிலையை போடவும்.