*நார்த் இண்டியன் வெஜ் கடாய் கிரேவி*(veg kadai gravy recipe in tamil)

தேவையான பொருட்களை எடுத்துக் கொள்ளவும்.காய்கறிகளை நறுக்கிக் கொள்ளவும்.

அடுப்பை மீடியத்தில் வைத்து, வெறும் கடாயில் தனியாவை போட்டு கருகாமல் வறுத்து, தட்டில் ஆறவிடவும்.

மிளகு, சீரகத்தை வறுத்து சேர்க்கவும்.

அடுப்பை சிம்மில் வைத்து,பட்டை, லவங்கம், ஏலக்காயை,வறுத்து சேர்க்கவும்.

மிளகாயை கருகாமல் வறுத்து, சேர்க்கவும்.

வறுத்து ஆறினதும், சிறிய மிக்ஸி ஜாரில் போட்டு, ஒரு சுற்று சுற்றி கொரகொரப்பாக பொடிக்கவும்.

இஞ்சி, பூண்டை, சின்ன மிக்ஸி ஜாரில், அரைக்கவும்.

அடுப்பை மீடியத்தில் வைத்து, கடாயில் எண்ணெய் காய்ந்ததும்,பட்டை,லவங்கம், ஏலக்காய் போட்டு வறுக்கவும், பொடியாக நறுக்கிய வெங்காயம்,ம.தூள்,காஷ்மீரி மி.தூள்,தனியா தூள், உப்பு போட்டு நன்கு வதக்கவும்.

அடுத்து நறுக்கின தக்காளியை போட்டு வதக்கிய தும், இஞ்சி, பூண்டு விழுதை போடவும்.

பொடி வாசனை போனதும், காய்கறிகளை போட்டு,சிறிது 1 டம்ளர் தண்ணீர் விட்டு ஒன்று சேர வேக விடவும்.

பிறகு சர்க்கரை போடவும்.அடுத்து, கரம் மசாலா தூள் போடவும்.

பின் உப்பு சிறிது போட்டு, நன்கு கலந்து, ஒன்று சேர வெந்ததும், அடுப்பை நிறுத்தி விட்டு, அரைத்த பொடி, கஸ்தூரி மேத்தி போடவும்.