Zaa sami flour a zuba a roba sai a kawo sugar, Salt,egg baking powder, da butter a cakuda sosai har sai komai ya hade sai a kawo ruwa mai sanyi a zuba a juya sosai har sai ya hadu sannan a fadada da rolling pin. A rufe da kitchen towel a aje a gefe.

A sami kifi mai kyau a gyarashi sannan a wanke da lemon tsami ko vinegar sannan a tafasa shi. Idan ya huce sai a cire kayoyin sannan a marmasa a aje a gefe.

Zaa dauko attaruhu a wanke a jajjaga, a wanke albasa da tattasai a yankasu yadda akeso sai a zuba mai a kasco kadan idan yayi zafi sai a zuba albasar a juya daga nan sai a zuba attaruhu da tattasai a juya, a zuba magi thyme, curry a juya sai a kawo marmashen kifin a zuba a yi ta juyawa har sai yayi sai a sauke.

Idan ya huce sai a dauko kwababban fulawar da aka fadada a zuba hadin kifin daga gefe sai a nannada kamar tabarma anayi ana shafa ruwa jikin fulawar har a gama sai a saka wuka a rarraba, a jera a farantin gashi sai a shafa ruwan kwai a saman sannan a gasa.