સૌપ્રથમ મિક્સિંગ બાઉલમાં બંને લોટ લઇ તેલ નાખી અને મિક્સ કરી લો. હવે તેમાં ભાજી, લીલા ધાણા, હળદર, મરચું, મીઠું,ખાંડ, આદુ મરચાની પેસ્ટ,સોડા નાખી અને મિક્સ કરી લો. હવે પાણીની મદદથી smooth સોફ્ટ લોટ તૈયાર કરી લો. હવે બંને હથેળીમાં તે લગાવી નાના, ગોળ મુઠીયા વાળી અને ધીમા ગેસે ક્રિસ્પી અને બ્રાઉન થાય ત્યાં સુધી તળો.

કૂકરમાં એક ગ્લાસ પાણી મૂકી તુવેર તથા પાપડી ના દાણા બાફી લેવા.હવે સકકરીયા, બટાકા, કંદ, કાચા કેળા ટુકડા કરી મીડીયમ ફલેમ પર તળી લેવા. રીંગણમાં વચ્ચે કટ કરી તૈયાર કરેલ મસાલો મિક્સ કરી ભરી લેવો.

હવે એક મોટા પેનમાં તેલ ગરમ કરો. ગરમ થાય એટલે જીરુ, અજમો,હિંગ, મરચા, તમાલપત્ર નાખો ત્યારબાદ આદુ અને લસણની પેસ્ટ ટામેટા સોતે કરો. હવે બાફેલા તુવેર, પાપડી,અને વટાણા એડ કરો. ત્રણથી ચાર મિનિટ ગેસ ઉપર ઢાંકીને મૂકી રાખો. ત્યારબાદ તેમાં મીઠું, હળદર,લાલ મરચાનો પાઉડર, ધાણાજીરૂં એડ કરો મિક્સ કરો હવે તેમાં ભરેલા રીંગણ તથા તમામ તળેલા શાકભાજી એડ કરો. હવે તેમાં પાણી નાખી અને ૧૦ થી ૧૫ મિનિટ માટે ધીમા ગેસે ઢાંકીને મૂકી રાખો.

ત્યારબાદ આંબલીનો પલ્પ ખાંડ ગરમ મસાલો એડ કરો. છેલ્લે તેમાં તળેલા મુઠીયા એડ કરો. હવે એક વઘારીયા માં તેલ ગરમ કરો તેમાં કાશ્મીરી લાલ મરચું પાઉડર નાખી અને તરત જ ઊંધિયા ઉપર નાખી મિક્સ કરી લો.ગેસ ઓફ કરી દો. છેલ્લે લીલા ધાણા sprinkle કરો. ગળી ચટણી, નાયલોન સેવ સાથે ઊંધિયાની મજા માણી શકાય છે.