સૌપ્રથમ તો ચોખાને ધોઈને અડધી કલાક પલાળી દેવા, ત્યારબાદ તેમાંથી છૂટો પડે એવો ભાત ઓસાવી દેવો ને પાણી નિતારીને કોરો થવા મુકવો. એક તપેલીમાં 2ગ્લાસ પાણી લઈને પાલકને ઉકાળી દેવી નરમ પડીને કલર બદલાઈ જાય ત્યાં સુધી. એક કપ જેટલુ પાણી રહેવા દઈને બાકીનું નિતારી દેવું અને બચેલી પાલક ની પેસ્ટ બનાવી દેવી

પેનમાં બટર અને ઘી ગરમ કરવું, તેમાં જીરું સાંતળીને અંદર આખા ગરમ મસાલા એક પછી એક નાખી દેવા. સુગંધ આવવા માંડે એટલે 2 મોટી ઝીણી સમારેલી ડુંગળીને ગુલાબી થાય ત્યાં સુધી સાંતળી દેવી, ત્યારબાદ કેપ્સિકમ નરમ પડવા સુધી સાંતળવું, આદુ લસણની પેસ્ટ નાખવી. ત્યાર બાદ અંદર 2 ટામેટા ઝીણા સમારીને ગ્રેવી થવા જેવા નરમ સાંતળી લેવા. હવે પાલકની પેસ્ટ નાખી, તેના ઉપર ગરમ મસાલો,કાજુના ટુકડા, મીઠું વગેરે નાખીને 10 મિનિટ ધીમા તાપે ચડવવું.

હવે બાફેલા વટાણા, ગાજર અને ફણસીના ટુકડા નાખીને 5 મિનિટ સુધી ગ્રેવી ઢાંકી દેવી. બધા મસાલા, શાકભાજી ગ્રેવીમાં મિક્સ થઈ જાય ત્યારે બાદ રાંધેલો ભાત ઉમેરી ને દાણા તૂટે નહીં તેવી રીતે સાચવીને મિક્સ કરી દેવો. ગરમ ગરમ સર્વ કરો